U vyšejšuju futbolnuju lihu prabiłasia kamanda z Rahačova z nazvaj jak u bukmiekierskaj kantory
Rahačoŭskaja kamanda «Maksłajn» pieramahła dziaržynski «Arsienał» u sieryi z dvuch matčaŭ za vychad u futbolnuju Vyšejšuju lihu Biełarusi i ŭ nastupnym siezonie ŭpieršyniu startuje ŭ elicie.
Siońnia ŭ Rahačovie «Maksłajn» vyjhraŭ u «Arsienała» ź likam 3:1. Papiaredniuju sustreču vyjhrali dziaržyncy — 3:2, ale pa sumie dvuch matčaŭ u elitu prabilisia rahačoŭcy.
Praŭda, «Arsienał», kab i vyjhraŭ, naŭrad ci b skarystaŭsia zavajavanaj mahčymaściu, bo spyniaje svajo isnavańnie. Pra heta paviedamiŭ dyrektar kamandy Alaksiej Mielaškievič.
Nazvu «Maksłajn» nosić viadomaja bukmiekierskaja kantora, a rahačoŭski kłub, jaki raniej isnavaŭ pad roznymi nazvami i zorak ź nieba nie chapaŭ, atrymaŭ jaje paśla taho, jak hetaja kantora stała jaho partnioram.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary