Суд Ленінскага раёна Магілёва асудзіў мясцовага жыхара, дальнабойшчыка Сяргея Цыгібу да трох гадоў пазбаўлення волі ва ўмовах агульнага рэжыму і штрафу ў 250 базавых велічынь. Справу разглядала суддзя Алена Літвіна, паведамляе «Вясна».
Адзінай прычынай для такога пакарання стаў лайк у «Аднакласніках». Паводле матэрыялаў справы, у верасні 2021 года Сяргей гартаў стужку навін у сацсетцы і ўбачыў відэа «Мент-паліцай, які атрымае 2 пажыццёвыя тэрміны». Ён паставіў «клас», у выніку чаго відэа адлюстравалася ўжо на асабістай старонцы Цыгіба ў «Аднакласніках».
Мужчыну абвінавацілі ў абразе прэзідэнта (ч.1 арт. 368), абразе прадстаўніка ўлады (арт. 369) і незаконных дзеяннях ў дачыненні да інфармацыі аб прыватным жыцці і персанальных дадзеных (ч. 3 арт. 203-1 Крымінальнага кодэкса).
Суддзя Алена Літвіна палічыла віну Сяргея Цыгіба даказанай і пакарала яго рэальным пазбаўленнем волі. Варта адзначыць, што сам Цыгіб ніколі не браў удзелу ў акцыях пратэсту, па палітычных адміністрацыйных справах не затрымліваўся.
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары