«Маштабная правакацыя з мэтай ўцягнення Беларусі ў вайну». Украінская разведка расказала больш пра ранішнія авіяўдары з Беларусі
Як сцвярджае Галоўнае ўпраўленне разведкі Мінабароны Украіны, масіраваны ракетны ўдар па ўкраінскіх гарадах з тэрыторыі Беларусі здзейснілі расійскія далёкія звышгукавыя ракетаносцы-бамбардзіроўшчыкі Ту-22М3.
Шэсць самалётаў падняліся з авіябазы ў Калужскай вобласці, праследавалі са Смаленскай вобласці Расіі ў паветраную прастору Беларусі і выпусцілі 12 крылатых ракет Х-22 па цэлях у Кіеўскай, Чарнігаўскай і Сумскай вобласці Украіны.
ГУР лічыць, што пускі былі здзейсненыя з-над Петрыкава.
«Гэта першы выпадак авіяцыйнага ўдару па Украіне непасрэдна з тэрыторыі Беларусі. Сённяшні абстрэл непасрэдна звязаны з намаганнямі ўлады Крамля, каб уцягнуць Беларусь у вайну ва Украіне як непасрэднага ўдзельніка», — гаворыцца ў паведамленні ГУР. Украінская разведка называе ранішнія абстрэлы правакацыяй, каб выдаць далейшыя магчымыя атакі на аб'екты ў Беларусі за адказ Украіны на авіяўдары.
Раней аб ракетных ударах з тэрыторыі Беларусі паведамілі кіраўнікі Жытомірскай і Чарнігаўскай аблваенадміністрацый.
-
У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
-
З’явіліся спадарожнікавыя здымкі з наступствамі ўдару ракет па бранскім заводзе мікраэлектронікі — ён разбураны
-
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Каментары