Следчы камітэт паведаміў пра завядзенне крымінальнай справы пасля пажару, які адбыўся ўначы 19 ліпеня ў Гродзенскім абласным клінічным цэнтры «Псіхіятрыя-наркалогія» на вуліцы Абухова. Таксама следчыя расказалі пра некаторыя падрабязнасці гэтай справы.
Паводле звестак следства, каля 3:35 узгаранне ўзнікла ў адной з палат псіхіятрычнага аддзялення. Ратавальнікі, выкарыстоўваючы сродкі абароны органаў дыхання, эвакуявалі з небяспечнай зоны шасцярых пацыентаў.
Усіх пацярпелых шпіталізавалі ў рэанімацыю з тэрмічнымі апёкамі цела, дыхальных шляхоў, галавы, верхніх і ніжніх канечнасцяў, а таксама з атручваннем прадуктамі гарэння. Паводле медыкаў, іх стан ацэньваецца як стабільна цяжкі.
Следства ўстанавіла, што асяродак узгарання знаходзіўся на адным з бальнічных ложкаў. Паводле папярэдняй інфармацыі, адзін з пацыентаў пранёс у палату крыніцу адкрытага агню, імаверна запалкі, і падпаліў матрац. У выніку агонь хутка распаўсюдзіўся, а памяшканне моцна задымілася.
У дачыненні да мужчыны Гродзенскі міжраённы аддзел Следчага камітэта ўзбудзіў крымінальную справу паводле ч. 2 арт. 218 Крымінальнага кодэкса Беларусі («Наўмыснае знішчэнне або пашкоджанне чужой маёмасці, учыненае агульнанебяспечным спосабам»).
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары