У акупаваным Крыме праз праблемы з мабільнай сувяззю вяртаюцца да таксафонаў
У акупаваным Расіяй Крыме пачалі ўсталёўваць вулічныя таксафоны, каб жыхары маглі выклікаць экстраныя службы падчас адключэнняў мабільнай сувязі. Першыя апараты з'явіліся ў Джанкоі, дзе мабільная сувязь цяпер працуе па графіку — двойчы на дзень па чатыры гадзіны, піша The Moscow Times.
Таксафоны размясцілі на некалькіх гарадскіх вуліцах. З іх можна бясплатна патэлефанаваць па нумары 112, а таксама выклікаць пажарную службу, паліцыю, хуткую дапамогу і аварыйную газавую службу. Паводле паведамленняў мясцовых уладаў, гэтыя апараты працуюць нават пры адсутнасці электрычнасці і мабільнай сеткі. Яшчэ адзін таксафон паставілі ў Еўпаторыі.
Апошнія тыдні многія гарады Крыма рэгулярна застаюцца без электрычнасці і вады. Расійскія ўлады, якія кантралююць паўвостраў, звязваюць гэта з ударамі па электрападстанцыях. Паведамляецца, што пакуль немагчыма скласці стабільныя графікі падачы электраэнергіі. У населеных пунктах таксама скарацілі вулічнае асвятленне і пачалі дастаўляць генератары туды, дзе адключэнні доўжацца працяглы час.
У Севастопалі мясцовыя ўлады прызналі, што больш не могуць прытрымлівацца ранейшага графіка падачы электрычнасці, а жыхарам параілі сачыць за паведамленнямі па радыё і загадзя зараджаць мабільныя тэлефоны ў спецыяльна арганізаваных пунктах.
Маштабныя перабоі з электра– і водазабеспячэннем у Крыме працягваюцца з канца чэрвеня. Пасля серыі ўдараў па аб'ектах інфраструктуры на паўвостраве быў уведзены рэжым надзвычайнай сітуацыі. Атакі на яго працягваюцца амаль штодня.
У Расіі раней таксама прапаноўвалі аднавіць сетку таксафонаў у сувязі з рэгулярнымі абмежаваннямі мабільнай сувязі, якія расійскія ўлады тлумачаць мерамі бяспекі.
Чаму Украіна ўдарыла па складах Wildberries і як усюдыісны маркетплэйс звязаны з расійскай арміяй
Пуціну далажылі пра аднаўленне кантролю над «сухапутным калідорам» у Крым
Украінцы знішчылі расійскі Су-24М на аэрадроме ў Крыме
У Крыме п'яная расійская паліцэйская насмерць збіла беларуса — і ўцякла з месца аварыі
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары