У медуніверсітэты сёлета будзе недабор? Мінздароўя пракаментавала
Сёлета ў медуніверсітэты не прымаюць на платнае навучанне на дактароў — толькі на бюджэт. Падчас прыёму дакументаў у ВНУ было заўважна, што на некаторых спецыяльнасцях пададзеных заяў было менш, чым месцаў на факультэтах.
Сітуацыю пракаментаваў на СТБ намеснік міністра аховы здароўя Барыс Андрасюк.
«Мы больш чым на 700 месцаў павялічылі бюджэт, гэта значыць мы даем рэальны шанец дзецям стаць медыкам. У гэтым годзе на мэтавае паступалі дзеці з вельмі высокімі баламі», — запэўніў ён.
Па словах чыноўніка, у больш як 60% бал атэстата быў 90 і вышэйшы. І першапачаткова падалі заявы вельмі шмат дзяцей, але, маўляў, калі яны ўбачылі, што прахадныя балы высокія, многія спалохаліся і забралі дакументы.
Але, бачыць плюс Андрасюк, прайшлі дзеці з вельмі высокімі баламі. На мэтавае ў параўнанні з мінулым годам прыкладна на 30% бал вышэйшы, кажа ён.
Малодшы сын Сахашчыка абвешчаны зніклым без вестак. Выглядае, ён ваяваў за Расію84
Каментары