Свет

Міністр абароны Латвіі: Палітыка Германіі ў дачыненні да Расіі не ўпісваецца ў наш час

Дзяржавы Балтыі лічаць «ганебнай» пазіцыяй тое, што Германія перашкаджае пастаўкам Кіеву зброі з Эстоніі, заявіў міністр абароны Латвіі Арціс Пабрыкс. Пра гэта піша Deutsche Welle.

Намеснік прэм'ер-міністра Латвіі Арціс Пабрыкс, які адначасова займае пасаду міністра абароны краіны, рэзка раскрытыкаваў пазіцыю Берліна ў канфлікце вакол Украіны.

«Цяперашняя палітыка Германіі ў дачыненні да Расіі ні ў якой ступені не адпавядае патрабаванням НАТА, ЕС і партнёраў ФРГ. Яе недастаткова і для сённяшніх праціўнікаў Захаду, а да іх адносіцца і Расія. Карацей кажучы, палітыка Германіі ў дачыненні да Расіі не ўпісваецца ў наш час»,

— заявіў Пабрыкс у інтэрв'ю нямецкай газеце Bild.

Пабрыкс падкрэсліў, што лічыць вялікай памылкай пазіцыю прадстаўнікоў Сацыял-дэмакратычнай партыі Германіі, каб «перадаць Украіне палявы шпіталь, але не ўзбраенне».

«Нямецкія палітыкі перасталі разумець, што значыць палітыка стрымлівання», — сказаў міністр абароны Латвіі.

«Я павінен сказаць, што блакада пастаўкі эстонскіх гаўбіц ва Украіну ўспрымаецца як ганебная пазіцыя ва ўсіх трох краінах Балтыі, а таксама ва ўсіх дзяржавах Паўночнай Еўропы. Мы лічым, што кожная краіна мае права на самаабарону. Калі вы забараняеце каму-небудзь атрымліваць сродкі абароны, вы не падтрымліваеце мір, а якраз наадварот»,

— дадаў латвійскі палітык.

Германія 20 студзеня атрымала запыт Эстоніі адносна дачы згоды на пастаўкі ва Украіну 122-міліметровых гаўбіц. Згода Берліна на пастаўку гаўбіц савецкай вытворчасці патрабавалася таму, што ў свой час яны знаходзіліся на ўзбраенні ў ГДР, а потым былі перададзеныя Фінляндыі, адкуль і патрапілі ў Эстонію. На наступны дзень амерыканская газета The Wall Street Journal са спасылкай на крыніцы ва ўрадавых колах Германіі і Эстоніі паведаміла, што ФРГ адказала на запыт адмовай.

Сама Германія раней заявіла, што не будзе пастаўляць Украіне ўзбраенне. «Смертаносная зброя не будзе пастаўляцца», — заявіў у гэтай сувязі прадстаўнік урада ФРГ Штэфан Хебештрайт. Адмова Берліна тычыцца і абарончага ўзбраення, калі яго можна ўжываць як смертаноснае.

Чытайце таксама:

Немцы не будуць дапамагаць украінцам зброяй. Дапамогуць толькі лячыць параненых

Канцлер Германіі Шольц: Расія павінна прызнаць, што сіла ў праўдзе

Нямецкі палітык: «Мяккая рэакцыя будзе ўспрынятая Пуціным як слабасць»

Каментары

Цяпер чытаюць

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам26

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Усе навіны →
Усе навіны

«Гэта як ВІЧ у людзей». Беларуска выратавала бяздомнага ката і спрабуе вылечыць яго ў Польшчы ад цяжкай хваробы5

У абыход санкцый. «Белавія» рыхтуецца лётаць на самалётах Airbus1

Франак Вячорка пра пашпарт новай Беларусі: Пашпартны цэнтр будзе раскіданы па розных краінах. А пры Кавалеўскім праект не рухаўся38

У цэнтры Гродна вырас ананас3

У Заслаўі да Дажынак зачышчаюць гістарычную забудову, якую бралася ахоўваць дзяржава8

Былога кіраўніка «фабрыкі троляў» Прыгожына ў Расіі прысудзілі да 10 гадоў калоніі строгага рэжыму

«Цяпер зброя вайны — клавіятура». Брытанія выдаткуе 1 мільярд фунтаў на мадэрнізацыю кібервойскаў1

Што ўяўляе сабой база даных, якую сілавікі называюць «узломам «Новай Беларусі»12

«У жыцці кожнага бывае апатыя». Кацярыну Казнадзей знайшлі10

больш чытаных навін
больш лайканых навін

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам26

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Галоўнае
Усе навіны →

Заўвага:

 

 

 

 

Закрыць Паведаміць