Суд Казані абраў зняволенне пад варту тэрмінам на два месяцы ў якасці меры стрымання для 19-гадовага Ільназа Галявіева, які расстраляў дзевяць чалавек у казанскай школе № 175, паведамляе РБК.
У зале суда Галявіева змясцілі ў куленепрабівальны бокс, разам з ім унутры знаходзіліся трое канваіраў. На пытанні журналістаў ён не рэагаваў, але спакойна адказваў на ўсе пытанні суддзі. На пытанне, ці ёсць у яго цяжкія захворванні ды інваліднасць, ён адказаў: «Не».
Следчы паведаміў, што ў школе Галявіеў здзейсніў не менш за 17 стрэлаў. Таксама ён усталяваў начыненую паражальнымі элементамі бомбу на першым паверсе гімназіі, каля ўваходу ў кабінет пачатковага класа англійскай мовы, і падарваў яе. Віну ў забойствах стрэлак цалкам прызнаў.
«Маральнага права для абрання іншай меры стрымання, акрамя заключэнне пад варту, няма», — палічыў пракурор. Адвакат Галявіева, прадстаўлены яму дзяржавай, таксама назваў хадайніцтва здавальняючым.
Намеснік пракурора Татарстана Аляксей Заіка пасля пасяджэння паведаміў, што саўдзельнікаў у Галявіева не было.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім8
Каментары