Ганна Бонд пажартавала пра Канапацкую і шаўрму, а фэйсбук выдаліў допіс пасля чыёйсьці скаргі
Некалькі дзён таму Ганна Бонд апублікавала ў сацсетках фота з кебабнай, дзе стаіць жанчына ў чырвонай сукенцы, да дзіўнага падобная да Ганны Канапацкай.
«Цяпер я бачыла ўсё. Лазня ў будзёнаўцы, а на дэсерт кебаб. Чый кандыдат?» — падпісала здымак Бонд.
А праз час фэйсбук нечакана выдаліў гэты пост.
«Прыйшло паведамленне, што на маю публікацыю паступіла скарга. Яе разгледзелі і пост прыбралі. Фэйсбук захоўвае канфедэнцыйнасць «шасцёрак». Я, канечне, не магу сцвярджаць, што гэта Канапацкая, але каму гэта яшчэ трэба?» — падзялілася блогер.
Яна зрабіла другі допіс, дзе намякнула на дачыненне кандыдаткі да «зачысткі» старонкі. Але і яго фэйсбук выдаліў.
Пасля звароту Бонд у службу падтрымкі фота з кебабнай усё ж вярнулі.
Сама Ганна Канапацкая адмовілася каментаваць «Нашай Ніве» гэтыя чуткі.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары