АНТ спыніла супрацоўніцтва з Дзмітрыем Урангелем, які раскрытыкаваў дзеянні АМАПа каля Symbal.by
У пятніцу 26 чэрвеня павінен быў выйсці ў эфір чарговы выпуск праграмы «Прыгоды капітана Урангеля», аднак перадачу не паказалі. Напярэдадні шоўмэн выступіў з крытыкай з нагоды сітуацыі ў краіне, піша Салідарнасць.
Тэлетрансляцыя шоу «Прыгоды капітана Урангеля» завершана. Чарговы выпуск, прысвечаны Кубе, павінен быў выйсці ў пятніцу раніцай.
Нягледзячы на тое, што перадача раней была праанансаваная, у эфір яна так і не патрапіла. Пазней Дзмітрый Урангель даведаўся, што супрацоўніцтва з ім спыненае — «без тлумачэння прычын».
«Усім прыхільнікам нашай аўтарскай праграмы хачу паведаміць, што тэлеканал АНТ спыніў яе паказ. Сябры, усе, хто быў з намі, дзякуй!» — напісаў Дзмітрый Урангель.
Цяпер перадачы Дзмітрыя Урангеля можна паглядзець толькі на youtube-канале.
Адзначым, што некалькімі днямі раней Дзмітрый Урангель выступіў з рэзкай крытыкай дзеянняў АМАПа каля крамы Sуmbal.by. а таксама выказаўся з нагоды сітуацыі ў краіне:
«Я не бачу розніцы паміж арганізаванымі злачыннымі групоўкамі РБ 80-90-х і сённяшнім днём! Тады, у 90-х, хлопчыкаў і бабуль па дварах не шчамілі, у кут, як жывёл не заганялі, людзей у палоне масава не трымалі. Такой небяспекі за сваё жыццё і жыццё сваіх блізкіх я не адчуваў, як сёння!»
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары