Даўно марыце стаць праграмістам, тэсціроўшчыкам, бізнэс-аналітыкам або вэб-дызайнерам, але не ведаеце, з чаго пачаць? Ці цікава даведацца, каго яшчэ чакаюць у сферы інфармацыйных тэхналогій? А можа, ужо працуеце ў IT, але хочаце зрабіць наступны крок у сваёй кар'еры?
Бясплатная навучальная канферэнцыя з пафарыентацыяй Open IT — рэальны шанец далучыцца да IT-супольнасці, прапампаваць скілы, атрымаць рэкамендацыі па працаўладкаванні і знайсці працу, пагутарыць з цікавымі людзьмі і даведацца больш пра апошнія тэндэнцыі ў свеце IT. Арганізатар — IT-Academy (Адукацыйны цэнтр Парка высокіх тэхналогій).
Канферэнцыя пройдзе 21 верасня ў Мінску. Зарэгістравацца можна на афіцыйным сайце openit.by. Запрашаюцца ўсе, хто шукае свой шлях у IT і імкнецца да прафесійнага развіцця.
Падчас Open IT 2019 запланавана каля 20 выступаў спікераў. Адначасова будуць працаваць два лекцыйныя патокі:
— «IT-спецыяльнасці. Тэхналогіі. Кар'ера і працаўладкаванне» — для тых, хто хоча ў IT, але не можа вырашыць, якую прафесію выбраць, ці ў дадзены момант праходзіць навучанне і толькі рыхтуецца да пошуку першай працы ў IT-сферы.
— «Прафесійны рост сучаснага IT-спецыяліста» — для тых, хто ўжо мае досвед працы ў IT і ставіць перад сабой новыя кар'ерныя мэты.
Акрамя таго, пройдуць майстар-класы па Sitecore, развіцці Soft skills, продакт-менеджменту, кіберспорце, тэсціраванні, інтэрнэт і кантэнт-маркетынгу. Таксама адбудуцца экспрэс-гутаркі з HR IT-кампаній і панэльная дыскусія па тэме працаўладкавання ў IT.
Open IT — гэта выдатная пляцоўка для нэтворкінгу. Будзе арганізавана асобная зона, дзе кожны зможа пагутарыць са спікерамі і вядучымі IT-спецыялістамі. Карыснай інфармацыяй з вамі падзеляцца Аміна Ідзігава (Full stack HR), Юлія Шамрэй (бізнэс-аналітык у IT, CBAP), Кацярына Назарава (IDT technologies), Арцём Канцавы (dev.by), Ян Агеенка (вядучы UI / UX-трэнер), Аляксей Мінкевіч (Juno), Раман Агаліхін (SoftTeco), Ксенія Добрава (Gurtam), Вадзім Папко (Sam Solutions), Наталля Піскунова (бізнэс-кансультант, выкладчык MBA), Алена Воўчак (iTechArt) і многія іншыя прадстаўнікі IT-індустрыі.
Дата і час: 21 верасня, з 9:00 да 18:15.
Месца: гатэль «Пекін» (г. Мінск, вул. Чырвонаармейская, 36).
Тытульны партнёр: Syberry.
Партнёры: EPAM, Helmes Bel, «Альфа-Банк», Qulix Systems, SoftTeco, Wargaming, Ahmad Tea, 9BAR, VIP-PRESENT Chocolatier, BonBon.by.
Звяртаем увагу, што на сайце openit.by ўжо адкрыта рэгістрацыя на лекцыйныя патокі і экспрэс-сумоўі (пры сабе абавязкова трэба мець рэзюмэ). Пазней з'явяцца асобныя рэгістрацыі на кожны майстар-клас. Далучайцеся да івэнту ў Facebook або Vkontakte, каб не прапусціць навіны канферэнцыі.
Цяпер чытаюць
Мікола Бугай: Трэба перагарнуць старонку 2020-га і пачаць жыць новымі рэаліямі53
Каментары