Брытанскі навукоўца высветліў, калі знікне мужчынскі пол у людзей
Y-храмасома, што ўтрымлівае ген SRY, які вызначае развіццё палавых прыкмет у мужчын, знікне праз 4,5 мільёна гадоў. Пра гэта піша брытанскі генетык Дарэн Грыфін з Кенцкага ўніверсітэта ў артыкуле, апублікаваным на партале навуковых публікацый Science Alert.
Навукоўца адзначае фундаментальны недахоп гэтай храмасомы: яна, у адрозненне ад іншых груп генаў, змяшчаецца ў клетках чалавека не ў парным, а ў адзіным экземпляры.
Таму Y-храмасома не падвяргаецца генетычнай рэкамбінацыі — з'яве, што здараецца ў кожным новым пакаленні і прыводзіць да ліквідацыі мутацый, якія пашкоджваюць гены.
У выніку набор генаў, які адказвае за фарміраванне мужчынскага полу, з часам дэгенерыруе і знікае з геному.
У артыкуле адзначаецца, што нават у выпадку поўнага знікнення Y-храмасомы ген SRY можа перамясціцца на іншую храмасому, якая, у сваю чаргу, пачне адчуваць недахоп рэкамбінацыі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары