Brytanski navukoŭca vyśvietliŭ, kali źniknie mužčynski poł u ludziej
Y-chramasoma, što ŭtrymlivaje hien SRY, jaki vyznačaje raźvićcio pałavych prykmiet u mužčyn, źniknie praz 4,5 miljona hadoŭ. Pra heta piša brytanski hienietyk Daren Hryfin z Kienckaha ŭniviersiteta ŭ artykule, apublikavanym na partale navukovych publikacyj Science Alert.
Navukoŭca adznačaje fundamientalny niedachop hetaj chramasomy: jana, u adroźnieńnie ad inšych hrup hienaŭ, źmiaščajecca ŭ kletkach čałavieka nie ŭ parnym, a ŭ adzinym ekziemplary.
Tamu Y-chramasoma nie padviarhajecca hienietyčnaj rekambinacyi — źjavie, što zdarajecca ŭ kožnym novym pakaleńni i pryvodzić da likvidacyi mutacyj, jakija paškodžvajuć hieny.
U vyniku nabor hienaŭ, jaki adkazvaje za farmiravańnie mužčynskaha połu, z časam dehienieryruje i źnikaje z hienomu.
U artykule adznačajecca, što navat u vypadku poŭnaha źniknieńnia Y-chramasomy hien SRY moža pieramiaścicca na inšuju chramasomu, jakaja, u svaju čarhu, pačnie adčuvać niedachop rekambinacyi.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?61
Kamientary