На правах рэкламы

«Метры дабрыні»: як гандлёвая сетка «Віталюр» сабрала прадукты і адзенне для анкалагічнага цэнтра

Разам з фондам «Дотык да жыцця» гандлёвая сетка крам і супермаркетаў «Віталюр» зладзіла дабрачынную акцыю ў падтрымку сем’яў, якія знаходзяцца на лячэнні ці рэабілітацыі ў Рэспубліканскім навукова-практычным цэнтры дзіцячай анкалогіі, гематалогіі і імуналогіі.

У сямі крамах «Віталюр» усталявалі шкляныя скрынкі «Метр дабрыні», куды кожны ахвотны мог пакласці папярэдне набытыя прадукты харчавання, гігіенічныя сродкі або адзенне.

Скрыні «Метр дабрыні» ўсталявалі ў сямі крамах «Віталюр».

Валанцёры раздаюць флаеры: некоторыя пакупнікі праходзілі міма, але людзі, якія звярнулі ўвагу на акцыю, абавязкова вярталіся з вафлямі, дзіцячым пюрэ і іншымі пачастункамі.

«Не ўсе кіраўнікі з’яўляюцца дабрачынцамі і здольныя адгукацца на чужое гора, як на сваё.

Здавалася б, няма нічога складанага ў тым, каб паставіць такія скрыні недзе побач з уваходам у магазін ці салон, але некаторыя начальнікі чамусьці ўспрымаюць гэта як нешта, што можа сапсаваць імідж кампаніі. Камерцыйны дырэктар «Віталюр» Віталь Яцук так не лічыць і пайшоў нам насустрач, за што мы яму вельмі ўдзячныя», —

 дзеліцца каардынатар валанцёрскага руху фонду «Дотык да жыцця» Алена Мядзінская.

Больш за ўсё людзі «ахвяравалі» прысмакаў, і гэта цудоўна, але, на будучыню, валанцёры заклікаюць рабіць акцэнт на гігіенічныя сродкі, бо пракладкі ці памперсы для хворых, асабліва ляжачых, — гэта сапраўднае выратаванне.

«Метр дабрыні» адпраўляецца ў анкалагічны цэнтр.

Падобныя акцыі актывісты і валанцёры ладзяць ужо не першы год і адзначаюць, што апошнім часам колькасць рэчаў, якія яны могуць сабраць за дзень акцыі, значна зменшылася. Выканаўчы дырэктар фонду Вера Гахава мяркуе, што на сітуацыю паўплываў эканамічны крызіс: людзі і рады былі б перадаваць у дзіцячыя дамы ці анкацэнтры больш, але вымушаны распараджацца сямейным бюджэтам ашчадна.

Але, нягледзячы на крызіс, за месяц валанцёры з дапамогай пакупнікоў «Віталюр» здолелі запоўніць салідную колькасць пакетаў падарункамі для дзецей.

Гэта Яўген (справа), яму 18. Ён хоць і знаходзіцца ў дзіцячым аддзяленні, але просіць усіх называць сябе мужчынам.

Саша і яго мама Святлана. Першыя праблемы ў сына пачаліся ў 2010 годзе: адмовілі ногі. 5 гадоў рэабілітацыі, а потым зноў — рэцыдыў і хімія. Саша пакуль не ходзіць, але ўжо можа сядзець — і гэта добрая навіна. Сям’я кажа дзякуй усім, хто дапамагае, бо ўсе асноўныя сродкі апошнія 7 гадоў аддавалі на лячэнне.

Пасля супу мама дазволіць сямігадоваму Жэню з’есці і нешта з прысмакаў, прывезеных валанцёрамі, — у палаце свята!

«Мы вельмі спадзяёмся, што і іншыя крамы ці прадпрымальнікі пойдуць на такі крок. Паставіць скрынку — гэта такая дробязь ў параўнанні з вынікам — шчаслівымі ўсмешкамі дзяцей і ўдзячнасцю бацькоў, якія будуць ведаць, што яны не самотныя ў сваёй бядзе», —

кажа Вера Гахава.

Пакінуць сваё ахвяраванне на чарговыя «Метры дабрыні» можна ў магазінах сеткі «Віталюр» у Мінску па наступных адрасах:

вул. Жыновіча, 7
вул. Рафіева, 56
пр. Газеты Праўда, 20
вул. Мястроўская, 27
вул. Мірашнічэнка, 3
вул. Касманаўтаў, 28
Ігуменскі тракт, 11

ТДА «Віталюр», УНП 100921458.

Каментары

Цяпер чытаюць

Трамп заявіў, што вядзе з Лукашэнкам перамовы пра вызваленне часткі з 1400 палітвязняў9

Трамп заявіў, што вядзе з Лукашэнкам перамовы пра вызваленне часткі з 1400 палітвязняў

Усе навіны →
Усе навіны

Экс-пробашча Чырвонага касцёла Уладзіслава Завальнюка накіроўваюць у Барысаў2

Мае сваю кватэру ў 23 гады, але марыць яе прадаць і з’ехаць. Усяму віной 65-гадовы сусед-фізкультурнік зверху4

У Каардынацыйнай радзе прапануюць увесці абавязковы паліграф для дэлегатаў12

Беларуска везла праз мяжу $25 000 і пайшла на чырвоны калідор — але скончылася штрафам і канфіскацыяй17

«Крыўдна? Не тое слова». Дзяўчыну на гламурным BMW падбіў іншы кіроўца16

Пуцін: Пытанне ўкраінскіх тэрыторый павінна вырашацца на рэферэндуме26

На Камароўцы заўважылі гіганцкую чаргу

Названыя 10 самых недарагіх краін для пераезду1

Пуцін не бачыць сэнсу ў сустрэчы з Зяленскім 4

больш чытаных навін
больш лайканых навін

Трамп заявіў, што вядзе з Лукашэнкам перамовы пра вызваленне часткі з 1400 палітвязняў9

Трамп заявіў, што вядзе з Лукашэнкам перамовы пра вызваленне часткі з 1400 палітвязняў

Галоўнае
Усе навіны →

Заўвага:

 

 

 

 

Закрыць Паведаміць