Смерчы для Беларусі з'ява рэдкая, але не анамальная, заявіла журналістам 21 ліпеня ў Мінску галоўны сіноптык Гідрамета Святлана Рыбакова.
Каментуючы разбуральны смерч, зафіксаваны 11 ліпеня ў Шаркаўшчыне (Віцебская вобласць), сіноптык адзначыла, што наогул смерчы для Беларусі, не характэрныя. Аднак, у сярэднім адзін-два разы на год яны на тэрыторыі рэспублікі фіксуюцца.
Адказваючы на пытанне, ці магчыма прадказаць узнікненне смерчу, Рыбакова, патлумачыла, што, у адрозненне ад ЗША, у нашай краіне няма службы, якая займаецца гэтай атмасфернай з'явай.
«У Амерыцы, для якой характэрныя частыя тарнада, існуе спецыяльная служба, якая вывучае тарнада. Яна добра тэхнічна аснашчана. Там нават ёсць паняцце «паляўнічыя за тарнада», якія з дапамогай перасоўных радыёлакатараў іх адсочваюць і вымяраюць характарыстыкі, у першую чаргу хуткасць ветру. У ЗША тарнада могуць прадказаць за 15 хвілін да яго ўзнікнення, і гэта выдатны паказчык», — сказала спецыяліст.
Паводле яе слоў, 11 ліпеня па Віцебскай вобласці было папярэджанне аб шквалістым ветры, аднак прадказаць узнікненне смерчу сіноптыкі не маглі.
«Смерч рэдка трапляе ў поле зроку нашых назіральнікаў, — падкрэсліла галоўны сіноптык. — Хоць гэта з'ява ў нас мала вывучаная, як і ў краінах постсавецкай прасторы, але гэта не анамалія для Беларусі».
Рыбакова дадала, што смерчы назіраюцца пераважна ў летнія гарачыя дні ў вельмі няўстойлівых паветраных масах трапічнага паходжання. Пры дастатковай колькасці вільгаці лакальна могуць адзначацца і шквалісты вецер, і град, і нават смерчы. І калі смерч выходзіць на населены пункт, могуць быць разбуральныя наступствы, у дамах з-за розніцы ціску, які ўтвараецца ўнутры смерчу, вылятаюць вокны, зносіць дахі і г.д.
Цяпер чытаюць
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну8
Вучэбка ў Пскове, абяцанне ануляваць крэдыты і судзімасці, але ні слова пра самае важнае. Як беларусаў вярбуюць на вайну
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары