У публічную палітыку Уладзімір Макей увайшоў падчас выбараў 2001 года. Менавіта «дыпламат Макей» і «доктар Абельская» па Беларускім тэлебачанні агучвалі праграму Аляксандра Лукашэнкі.Думаецца, на іх месцы хацелі быць многія. Потым Макею было даручана «выхаванне» Віктара Лукашэнкі, навучыць яго працы ў Адміністрацыі.
Макей — разведчык, адзін з нямногіх лукашэнкаўцаў, хто добра валодае англійскай і нямецкай мовамі.
З імём Макея звязвалі адлігу 2008—2010. Але той самы Макей у 2012 гразіў, што «ад апазіцыі каменя на камені не застанецца» ў выпадку ўвядзення санкцый Еўрасаюза.
Па сваёй пасадзе міністр замежных справаў у гэтай сістэме адказвае за адносіны з Захадам, а не з Расіяй. Аднак уплыў Макея большы, чым ягоныя абавязкі. Гэта тлумачаць як тым фактам, што ён доўгія гады расстаўляў кадры розных узроўняў як кіраўнік Адміністрацыі прэзідэнта, так і ягоным інтэлектам.
***
Цытата: «Беларусь гатовая да эвалюцыі і мадэрнізацыі».
Самы разгар «лібералізацыі», лістапад 2009.
***
Аб’ектыўка
Нар. у 1958 у вёсцы Некрашэвічы Карэліцкага раёна. Скончыў Мінскі дзяржаўны інстытут замежных моваў (1980), служыў у савецкай разведцы (1980—1992), палкоўнік запасу. Перавучваўся ў Дыпламатычнай акадэміі МЗС Аўстрыі (1992—1993). У 1993—2000 знаходзіўся на дыпламатычнай службе. У 2000—2008 гадах працаваў памочнікам прэзідэнта. Ад 2008 да 2012 займаў пасаду кіраўніка Адміністрацыі прэзідэнта Рэспублікі Беларусь. Ад жніўня 2012 — міністр замежных справаў. Уключаны ў спіс невыязных на тэрыторыю ЕС. Жанаты другім шлюбам. Мае дзяцей ад абодвух шлюбаў. Другая жонка — актрыса і тэлевядучая.
Пра што маўчыць Аляксей Францкевіч, якому Польшча закрыла ўезд на 10 гадоў67
Каментары