«Biełaruski front, albo razmovy pra movu»
28 traŭnia dakumentalist Viktar Korzun pradstaviŭ navučencam Biełaruskaha kalehijumu svaju novuju stužku. Karcina rujnuje płaksivyja “moŭnyja” stereatypy i śviedčyć pra tryvałaść biełaruskaje nacyi.
28 traŭnia dakumentalist Viktar Korzun pradstaviŭ navučencam Biełaruskaha kalehijumu svaju novuju stužku. Film nieadnarazova vyklikaŭ vopleski. Karcina rujnuje płaksivyja “moŭnyja” stereatypy i śviedčyć pra tryvałaść biełaruskaje nacyi.
Biełaruski front, albo razmovy pra movu
Biełaruś, 2007, kalarovy i č/b, 51 chv.
Režyser: Viktar Korzun
Žanr: Dakumentalny film
Adznaka: 6,5 (z 10)
Hieroi karciny «Biełaruski front» – filozaf Valancin Akudovič, movaznaviec Vincuk Viačorka, mastak Feliks Januškievič, psycholah Jula Łatuškina i vučanica Maša Karalkova – razvažajuć pra los biełaruskaje movy.
Zazvyčaj razmovy na ekranie vyhladajuć nudna, ale 50-chvilinny film Korzuna hladzicca na adnym podychu. Režyser z kožnaj stužkaj nabiraje dośviedu, dyj hieroi zusim nie padajucca standartnymi «havarkimi hałovami». Film trapna padzieleny na raździeły, u pierabiŭkach hučyć pieśnia «Maja kraina» – u vykanańni Kasi Kamockaj (taksama pradjuserka filmu) – a Korzun akuratna rasstaŭlaje hukavyja j sensavyja akcenty.
Karcina całkam pazbaŭlena płaksivaha lamantu, abaviazkovaha – kali hutarka zachodzić pra movu. Mnohim hierojam stužki, kab movu abaranić, pryjšłosia prajści vyprabavańni. Maša Karalkova – vučyłasia doma, bo ŭ škole nie znajšłosia biełaruskamoŭnaha klasu, Alaksiej Łapicki damahaŭsia biełaruskaha klasu dla svajho syna Janki, a dzicionku Juli Łatuškinaj lohapedy stavili «psychijatryčny» dyjahnaz, bo chłopčyk razmaŭlaje pa-biełarusku. Ale ŭ filmie niama patasnaha płaču, da jakoha ŭsie pryzvyčailisia.
Kožnamu jość, što skazać – i heta cikava. Biełaruskaja mova, jak synonim svabody, mova – jak adkidańnie dyktatury, aptymizm nasupierak katastrofam i kiemlivyja zaŭvahi pra biełaruskamoŭnaha santechnika.
Kožny – nia prosta abviaščaje pra svaju luboŭ da «frontu biełaruskaje movy», ale naturalna hetym dychaje j žyvie. I atrymlivajecca nievierahodnaja j vielmi mocnaja reč. Karcina pra biełaruskuju movu, jakuju plažać, dušać i abśmiejvajuć režymnyja intendanty – stanovicca śviedčańniem tryvałaści biełaruskaje nacyi.
I heta narmalnaja, sučasnaja dakumentalnaja stužka – hodnaja, intryhoŭnaja i cikavaja.
Znajści novy film Viktara Korzuna možna ŭ miescach tradycyjnaha raspaŭsiudu biełaruskich knihaŭ i videa.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary