Haradziency źbirajuć rečy dla niemaŭlat, jakich adraklisia baćki
Patrebnyja padhuźniki i kaśmietyčnyja srodki dohladu.
Uletku minułaha hoda na Hrodzienskim forumie źjaviłasia tema, u jakoj hrodziency biez akcyj abo niejkich śviatočnych nahodaŭ mohuć dapamahčy niemaŭlatam, jakija zastalisia biez baćkoŭ.
Niadaŭna źbirali padhuźniki dla infiekcyjnaj balnicy, u jakoj znachodziacca 25 sacyjalnych dziaciej (12 dzietak da hoda, i 13 — da troch hadoŭ).
Kurataru hetaha dabračynnaha prajekta patelefanavali z prośbaj ab dapamozie.
Jak skazała zahadčyca adździaleńnia niedanošanych dziaciej, Iryna Alaksandraŭna, hetyja dzietki i tak uvieś čas cierpiać bol, to chočacca zaścierahčy ich choć by ad takich prablem, jak uvaprełaści, kali jany płačuć ad dotyku vady. A niedanošanych i nie pamyješ — jany pad kaŭpakom. Patrebnyja padhuźniki, šmat, roznych pamieraŭ, i srodki pa sychodzie.
Kali ŭ vas jość mahčymaść i žadańnie dapamahčy dzietkam, jakija apynulisia biez baćkoŭ pa roznych pryčynach, adhukniciesia!
Uvieś čas patrebnyja:
1. Adzieńnie, pamiery — usio:
- New born — dla adździaleńnia niedanošanych
- Dla dzietak da 3 hadoŭ — u dom malutki
- Ad 3 da 17 hadoŭ — u dziciačy dom na Ja. Kupały i sacyjalna-piedahahičny centr na Urubleŭskaha.
Usio adzieńnie, kali nie novaje, pavinna być čystym, bieź vidavočnych plam i defiektaŭ.
2. Padhuźniki, pamiery — usie: ad new born dla dzietak z adździaleńnia niedanošanych da 5 pamieru dla dzietak z asablivaściami ŭ raźvićci.
Padhuźniki patrebnyja ŭvieś čas, asabliva ŭ chałodny čas hoda.
3. Kaśmietyka dla dziaciej — kremy pad padhuźniki, prysypki, vatnyja pałački z abmiežavalnikami i biez, srodki dla kupańnia, vilhotnyja survetki.
Taksama sacyjalnyja dzieci jość u balnicach, dziciačaj abłasnoj i infiekcyjnaj. Ich kolkaść zaŭsiody roznaja, ale sprava ŭ tym, što ŭ dziciačych damach i dziciačych balnicach — u kožnaha svajo adzieńnie, svaje srodki pa dohladzie, tamu dzieciam u balnicach taksama treba dapamahać.
Telefon kuratara 584-99-14 (MTS), Iryna. Padrabiaźniej u adpaviednaj temie na Hrodzienskim forumie.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary