U Ivacevickim rajonie źbiehli padapiečnyja psichaneŭralahičnaha doma‑internatu
Zastajecca nieviadomym miescaznachodžańnie troch padapiečnych Kosaŭskaha psichanieŭrałahičnaha doma‑internata (Bresckaja vobłaść), jakija samavolna pakinuli ŭstanovu
Miescaznachodžańnie troch padapiečnych Kosaŭskaha psichanieŭrałahičnaha doma‑internata (Ivacevicki rajon, Bresckaja vobłaść), jakija samavolna pakinuli ŭstanovu, dahetul nieviadomaje. Pra heta paviedamiŭ BiełaPAN dyrektar doma‑internata Mikałaj Pietraviec.
Invalidy 2‑j hrupy 23‑hadovy Raman Błahačynnaŭ, 28‑hadovy Dzianis Dziehciaroŭ i 34‑hadovy Alaksandr Aŭsianikaŭ syšli z terytoryi internata dniom 25 sakavika. «Jany paprasili dazvołu pajści pahulać u tenis, ale zamiest taho, kab nakiravacca ŭ spartzału, syšli ŭ nieviadomym napramku, — skazaŭ dyrektar internata. — Našy pošuki ŭ blizkich nasielenych punktach, na aŭtobusnych i čyhunačnych stancyjach byli biezvynikovymi. Zaraz ich šukaje milicyja».
Pavodle słoŭ M.Pietraŭca, heta nie pieršy ich samavolny sychod ź internata. Anałahičny vypadak byŭ zafiksavany letam minułaha hoda. Tady A.Aŭsianikava znajšli ŭ brata ŭ Lachavickim rajonie, D.Dziehciaroŭ i R.Błahačynnaŭ viarnulisia ŭ internat sami. Na dumku śpiecyjalistaŭ ustanovy, hetyja ŭciekačy nie ŭjaŭlajuć sacyjalnaj niebiaśpieki. Treba adznačyć, što adzin ź ich — D.Dziehciaroŭ — vystupaŭ u 2003 hodzie na spabornictvach invalidaŭ u Irłandyi pa mini‑futbołu.
Sioleta ŭ Kosaŭskim psichanieŭrałahičnym domie‑internacie heta ŭžo čaćviorty taki fakt. U bolšaści vypadkaŭ uciekačy viartajucca ŭ internat samastojna.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary