Psichołahi: Kanavałaŭ siaredniaha rozumu, ale valavy; Kavaloŭ vielmi razumny, ale niaŭstojlivy
Rasstrojstvaŭ psichiki i seksualnych rasstrojstvaŭ nie majuć.
Ekśpierty nie znajšli dastatkovych padstaŭ kazać pra toje, što ŭ Dźmitryja Kanavałava była patałahičnaja ciaha da vybuchaŭ. Heta vynikaje z abnarodavanych 27 kastryčnika ŭ sudzie nad abvinavačvanymi ŭ teraryźmie materyjałaŭ sudova-psichołaha-
U materyjałach spravy vysnova pra takuju ciahu robicca na padstavie raspoviedaŭ ab pavodzinach Kanavałava jaho brata Alaksandra i druhoha abvinavačvanaha pa spravie ab teraryźmie Uładzisłava Kavalova.
Ekśpierty taksama pryjšli da vysnovy, što ŭ Kanavałava nie było i niama ałkaholnaj zaležnaści.
Zhodna ź ich vysnovami, padčas učynieńnia inkryminavanych Kanavałavu złačynstvaŭ u 2000–2011 hadach jon nie pakutavaŭ na chraničnyja psichičnyja zachvorvańni, časovyja rasstrojstvy psichiki, znachodziŭsia ŭ jasnaj śviadomaści, aryjentavaŭsia ŭ stanoviščy, moh uśviedamlać značeńnie svaich dziejańniaŭ, kiravać imi. Jak miarkujuć ekśpierty, jaho dziejańni nasili metanakiravany charaktar i jon mieŭ mahčymaść vybaru. Ekśpierty taksama zaznačyli, što Kanavałaŭ nie pakutavaŭ i nie pakutuje na rasstrojstva pałavoj pieravahi, ale ŭ jaho słabaja identyfikacyja z rolaj mužčyny.
Jak vynikaje z materyjałaŭ spravy,
u razmovach z ekśpiertami Kanavałaŭ uśviedamlaŭ, što jamu pahražaje abo pažyćciovaje źniavoleńnie, abo rasstreł,admaŭlaŭ najaŭnaść suicydalnych dumak raniej i ciapier. Ustanoŭlenaje ekśpiertami IQ Kanavałava składaje 95,
jany vyjavili ŭ jaho nizki ŭzrovień varožaści i siaredni — ahresiŭnaści.Ekśpierty ličać jaho ehacentryčnym, schilnym śpisvać svaje niaŭdačy na inšych ludziej, jon imkniecca zhładžvać kanflikty, upeŭnieny u sabie. Na dumku śpiecyjalistaŭ, u abvinavačvanaha prysutničajuć vialikaje imknieńnie da pieraadoleńnia pieraškodaŭ, umieńnie kantralavać svaje emocyi i pavodziny, nizki ŭzrovień mižasobasnaj simpatyi, upartaść u dasiahnieńni metaŭ, dakładnaść u ich pastanoŭcy, niezacikaŭlenaść u supracoŭnictvie ź inšymi ludźmi. Zhodna z vysnovami ekśpiertaŭ, Kanavałaŭ padmianiaje maralnyja katehoryi realistyčnymi, imkniecca ŭ pieršuju čarhu zadavolić svaje intaresy. Śpiecyjalisty taksama ŭkazvajuć, što ŭ abvinavačvanaha zavyšanaja samaacenka, jon maje ŭjaŭleńnie pra siabie jak pra mocnuju asobu i biaźmiežna ŭpeŭnieny ŭ svaich siłach. Maje schilnaść da daminavańnia, adnak prykmietaŭ žorstkaści nie nazirajecca.
Što tyčycca Uładzisłava Kavalova, to ekśpierty taksama miarkujuć:
nijakich chraničnych psichičnych zachvorvańniaŭ u jaho nie było i niama.U pieryjad učynieńnia inkryminavanych jamu złačynnych dziejańniaŭ znachodziŭsia ŭ jasnaj śviadomaści. Ustanoŭlenaje ekśpiertami IQ Kavalova — 114.
Uzroŭni ahresiŭnaści i varožaści nizkija.
Ekśpierty adznačyli šyryniu pohladaŭ Kavalova, jaho hnutkaść, adsutnaść złapamiatnaści, pryniaćcie adkaznaści za padziei ŭ žyćci na siabie, zdolnaść pahladzieć na śviet vačami inšaha čałavieka, niekanfliktnaść, patrebnaść u niezvyčajnych pryhodach, razumieńnie emocyj inšych ludziej, niaŭstojlivuju samaacenku, asłablennuju samapavahu, adsutnaść schilnaści da ŭłady nad inšymi ludźmi.
Śpiecyjalisty kanstatavali, što Kavaloŭ moža admovicca ad ułasnych intaresaŭ, kali inšy čałaviek maje nad im uładu.
-
«Ja była jak pad hipnozam». Realnyja historyi minčukoŭ, jakich machlary prymusili pradać kvatery — adna sumnaja, druhaja amal ščaślivaja
-
U źlitych fajłach Epštejna ŭspłyła jašče adna biełaruska, madel i žonka futbalista — raskazvajem, što pra jaje viadoma
-
«U vas jość lubimaja pieśnia?» Znajomciesia z Maksatam — samym viadomym stryt-videohrafam Minska
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary