Usie najbujniejšyja biełaruskija biznesy ŭ Litvie skaracili padatkovyja adličeńni ŭ biudžet
Kampanii ź biełaruskimi ŭłaśnikami, jakija ŭvachodziać u top-500 najbujniejšych padatkapłacielščykaŭ Litvy, zaŭvažna skaracili pa vynikach 2025 hoda sumy płaciažoŭ u biudžet hetaj krainy. Adpaviednyja źviestki, jakija vyvučyła vydańnie Thinkthanks.pro, apublikavała Dziaržaŭnaja padatkovaja inśpiekcyja (VMI) pry Ministerstvie finansaŭ Litvy.
Jak i pa vynikach 2024 hoda, u top-500 za minuły hod apynulisia čatyry kampanii, jakija majuć biełaruskich ułaśnikaŭ.
Heta try IT-biznesy, dva ź jakich (Epam sistemos i Wargaming Vilnius) uvajšli ŭ pieršuju piaciorku najbujniejšych padatkapłacielščykaŭ u svajoj halinie. I jašče adno miasapierapracoŭčaje pradpryjemstva — Krekenavos agrofirma z Kiejdanskaha rajona. Jaho saŭładalnicaj źjaŭlajecca hramadzianka Biełarusi Julija Uspaskich-Krucikava.
Usie kampanii ź biełaruskimi karaniami zdali pazicyi ŭ rejtynhu:
- Epam sistemos («dačka» adnaho z suśvietnych IT-lidaraŭ) pieramiaściłasia z 72‑ha miesca ŭ 2024 hodzie na 97‑y radok u 2025-m;
- Wargaming Vilnius — z 109‑ha na 128-je;
- Krekenavos agrofirma — z 119‑ha na 200-je;
- Gurtam — z 262‑ha na 317-je.
U 2025 hodzie hetaja čaćviorka zapłaciła bolš čym na 15% mienš padatkaŭ, čym hodam raniej. Kali ŭ 2024 hodzie sukupnaja suma pieraličanych hetymi kampanijami hrošaj składała 49,7 miljona jeŭra, to ŭ 2025 hodzie — užo 43,1 miljona jeŭra.
Voś jak skaracili płaciažy hetyja kampanii letaś:
- Epam sistemos: z 17,8 miljona da 15,9 miljona jeŭra;
- Wargaming Vilnius: z 13,3 miljona da 12,5 miljonaŭ;
- Krekenavos agrofirma: z 12,3 miljona da 8,6 miljona;
- Gurtam: z 6,3 miljona da 6,0 miljona.
Praŭda, u toj ža čas zaŭvažna skaracilisia (bolš čym na 20%) padatkovyja pieraličeńni i z hałoŭnaj krynicy litoŭskaha biudžetu — chołdynhu Orlen Lietuva. U 2025 hodzie Orlen Lietuva zapłaciła 415,6 miljona jeŭra padatkaŭ, tady jak hodam raniej hetaja suma składała 522,9 miljona jeŭra.
Pieršaja piaciorka najbujniejšych padatkapłacielščykaŭ Litvy:
- Orlen Lietuva — 415,6 miljona jeŭra;
- Circle K Lietuva — 375,0 miljona jeŭra;
- Okseta — 356,7 miljona jeŭra;
- Philip Morris Baltic — 288,6 miljona jeŭra;
- KN Energies — 287,4 miljona jeŭra.
Jak adkryćcio miažy z Polščaj paŭpłyvała na žyćcio ŭ rehijonie? Pahutaryli z hrodziencami pra pajezdki na zakupy, padarožžy i čaŭnakoŭ
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
Biełaruskaja IT-kampanija adpraviła litoŭski ekipaž na rali «Dakar-2025»
Vinted: u Litvie vyras adnaroh, jakomu siońniašni biełaruski IT moža tolki pazajzdrościć
Kamientary