Biełaruś uvajšła ŭ piaciorku najbujniejšych pastaŭščykoŭ u Kitaj kurynych łapak
Pa vynikach minułaha hoda Biełaruś uvajšła ŭ piaciorku najbujniejšych pastaŭščykoŭ kurynych łapak na kitajski rynak. Kraina zaniała piataje miesca, sastupiŭšy tolki Rasii, Brazilii, Tajłandu i ZŠA, paviedamlaje rasijskaje vydańnie «Viedomosti» sa spasyłkaj na źviestki Hałoŭnaha mytnaha ŭpraŭleńnia Kitaja.
Pavodle statystyki, biełaruskija vytvorcy pastavili ŭ KNR kurynych łapak na sumu kala 33 miljonaŭ dalaraŭ.
Lidaram ekspartu hetaha praduktu stała Rasija, jakaja adpraviła ŭ Kitaj kurynych łapak amal na 327 miljonaŭ dalaraŭ. Taksama ŭ piaciorku ŭvajšli, abahnaŭšy Biełaruś, Brazilija (326 miljonaŭ dalaraŭ), Tajłand (219 miljonaŭ) i ZŠA (69 miljonaŭ).
U kitajskaj kulinarnaj tradycyi kurynyja łapki ličacca dalikatesam. Ich hatujuć mnostvam sposabaŭ: smažać u fryciury, hatujuć na pary, tušać u sousie z čornymi babami abo marynujuć u rysavym vocacie ź imbiram. Padajuć jak piŭnuju zakusku, chałodnuju stravu, dadajuć u supy abo robiać asnoŭnaj stravaj. Hatovyja łapki ŭ vakuumnaj upakoŭcy — papularny snek u supiermarkietach, a śpiecyjalnyja zakusačnyja śpiecyjalizujucca na ich pryhatavańni naroŭni ź inšymi dalikatesami, naprykład, kačynymi łapkami.
Raniej Biełaruski rasśledavalnicki centr paviedamlaŭ, što ŭ 2024 hodzie Biełaruś nibyta straciła dostup da kitajskaha rynku ptušynaj pradukcyi, jaki aceńvajecca na miljardy dalaraŭ. Pryčynaj stała schiema reekspartu — kali zamiežnyja kurynyja łapki zavozilisia ŭ krainu, pierapakoŭvalisia pad vyhladam biełaruskich i pradavalisia ŭ Kitaj. Heta pryviało da vialikaha skandału i poŭnaj zabarony na impart z bolšaści biełaruskich ptuškafabryk. Adnak, jak śviedčyć statystyka, hetuju prablemu, kali jana była, udałosia chutka vyrašyć.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary