Kaleśnikava adkazała, ci praŭda, što jana schudnieła da 45 kh u kałonii
Maryja Kaleśnikava dała vialikaje intervju rasijskamu błohieru Juryju Dudziu. Siarod inšaha jon spytaŭ jaje, ci praŭda, što jana schudnieła da 45 kh pry roście 176 sm, jak toje raskazvała siastra Maryi Taćciana Chomič.
— Praŭda ŭ tym, što ja sapraŭdy vielmi mocna schudnieła, ale nie da 45 kh. Ja dakładnuju ličbu nazvać nie mahu, ale nie 45, heta dakładna. Ale mocna schudnieła, tak, byŭ taki momant, — adkazała Kaleśnikava.
Pavodle jaje słoŭ, heta było paśla apieracyi praź jazvu — jana doŭha nie mahła adnavicca. Pa słovach Maryi, joj davodziłasia doŭhi čas jeści dziciačaje charčavańnie dla taho, kab adnavić arhanizm.
Jojny tata zmoh pieradać joj miedycynskuju pieradaču ź dziciačym charčavańniem na 30 kh. «I niekalki miesiacaŭ heta było maim asnoŭnym charčavańniem», — raskazała jana.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary