U Hienprakuratury raskazali, jakija skarhi ich cikaviać u tyktoku
U Hienprakuratury Biełarusi paviedamili, što supracoŭniki prakuratury Minskaj vobłaści rehularna adsočvajuć TikTok i inšyja sacsietki, a taksama ŚMI, kab reahavać na skarhi hramadzian. Asablivuju ŭvahu jany nadajuć prablemam, jakija tyčacca kamunalnaj śfiery, naprykład, niedastatkovaha aciapleńnia ŭ žyłych damach i škołach.
U jakaści prykładu pryviali vypadak z pasiołka Marjina ŭ Puchavickim rajonie, dzie ŭ žyłych damach i ŭstanovach adukacyi tempieratura była tolki +10—11°C, choć narmatyŭ Minzdaroŭja patrabuje ad +17—18°C u pamiaškańniach. Pamyłku vyklikaŭ niaspraŭny aciaplalny kacioł, a miascovyja kamunalniki nie vypraŭlali prablemu, niahledziačy na skarhi hramadzian.
Paśla pravierki prakurory abaviazali dyrektara ŽKH terminova adramantavać kacioł i pieraličyć kamunalnyja płaciažy za pieryjad, kali aciapleńnie było niaspraŭnaje. Kamunalniki vykanali pradpisańnie. Ci pryniali prakurory jakija-niebudź miery da słužboŭcaŭ ŽKH za ich biaździejańnie, nie paviedamlajecca.
Raniej mnohija biełarusy paćviardžali, što sapraŭdy publičnaje ahučvańnie prablemy praz tyktok źjaŭlajecca najbolš nadziejnym sposabam dla taho, kab na jaje źviarnuli ŭvahu i pačali vyrašać. Zvyčajnyja, niepubličnyja skarhi takoha efiektu nie majuć.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary