Stała viadoma, pa jakich artykułach sudzili błohiera Maksima Šukanava
Viarchoŭny sud adchiliŭ apielacyju 36‑hadovaha palitviaźnia, mazyrskaha błohiera Maksima Šukanava, i jaho prysud na 4 hady kałonii ŭstupiŭ u siłu. Jak vynikaje z paviedamleńnia prakuratury, błohiera abvinavacili ŭ suviazi z arhanizacyjaj ByPol i dapamozie telehram-kanału «Biełaruski Hajun».
Raniej było viadoma, što chłopiec vioŭ jutub-kanał Union Bell. Taksama jon, jak śćviardžaje prakuratura:
- byŭ redaktaram kantentu na jutub-kanałach ByPol i BelPol;
- stvaraŭ łahatyp BelPol;
- spryjaŭ telehram-kanału «Biełaruski Hajun»;
- udzielničaŭ u pratestach paśla vybaraŭ 2020 hoda ŭ Minsku.
Šukanava zatrymali ŭ lutym 2025 hoda. Raniej jon razam sa svajoj niaviestaj Palinaj Zyl byŭ u padpolli, kab paźbiehnuć kantaktaŭ ź dziaržavaj. Adnak u lutym 2025 hoda im pryjšłosia źviarnucca da daktaroŭ praz paharšeńnie zdaroŭja Maksima, asabliva na fonie aryštu jahonaha baćki. Palina taksama była aryštavanaja i spačatku asudžana na hod kałonii za ŭdzieł u pratestach, a paźniej pieraviedzienaja ŭ SIZA pa inšym abvinavačańni.
Ź infarmacyi pravaabaroncaŭ, Maksim chvareje na epilepsiju.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
«Budzieš admaŭlacca — pajedzieš u SIZA». Jak u Biełarusi źbirajuć na «dabračynnaść» z zatrymanych pa palityčnych spravach
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary