«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
Alaksandr Łukašenka padčas narady pa raźvićci Viciebskaj vobłaści zładziŭ čarhovy raznos za niehaspadarlivaść: jon aburyŭsia, što lichtary na vulicach harać zanadta doŭha, i zapatrabavaŭ pierajści ŭ režym žorstkaj ekanomii, pryhraziŭšy čynoŭnikam vajnoj i šturmavymi atradami.
Alaksandr Łukašenka na naradzie pa pytańniach raźvićcia Viciebskaj vobłaści, padniaŭ pytańnie vuličnaha aśviatleńnia. Pavodle jaho słoŭ, zaraz ranicaj jano adklučajecca zanadta pozna, a ŭklučajecca zanadta rana, kali na vulicy i tak dastatkova śvietła.
«Vyjedu ŭ Astrašyckim haradku, da prykładu, i ŭ inšych vioskach. Učora a šostaj hadzinie viečara ŭsia Minskaja vobłaść śviecicca. Harać ahni. I heta charakterna dla ŭsich. Kryŭdujcie sami na siabie. Budziecie płacić jak minimum sa svajoj kišeni. Usie na vulicach lichtary ŭklučany, usio źziaje. Minskaja vobłaść i tudy dalej — usio haryć. A šostaj hadzinie viečara. Navošta? Užo a pałovie vośmaj možna adklučyć ranicaj śviatło na vulicy, asabliva ciapier, kali śviatła šmat. Nie — usie lichtary harać», — skazaŭ jon.
Łukašenka raspavioŭ, što daručyŭ razabracca z hetym pytańniem. Jak jamu dałažyli, nibyta niekarektna pracujuć fotaelemienty. «Łuchta poŭnaja. Adrehulujcie hetyja fotaelemienty, kab elektryčnaść aŭtamatyčna z štučnym vašym intelektam adklučałasia a 7‑j hadzinie ranicy. I zaharałasia śviatło nie a šostaj hadzinie viečara, a ŭ vosiem. Paličycie — 4‑5 hadzin [lišnich] haryć usia kraina, śviecicca. Kolki my tracim hrošaj! Voś vašy padychody», — aburaŭsia jon.
«Vy ašaleli. Vy roŭna krainu chočacie pryvieści da vajny. Nu dyk majcie na ŭvazie, što nam ža napieradzie pryjdziecca iści. Vam u šturmavych atradach pryjdziecca», — dadaŭ Alaksandr Łukašenka.
Dniami jon zahadaŭ źnizić tempieraturu padačy ciepłanośbita ŭ kvatery. Minenierha zahad vykanała i padkreśliła, što ludzi pavinny z razumieńniem stavicca da źnižeńnia tempieratury ŭ kvaterach.
Apytanka
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary