Aŭtobusny maršrut ź vilenskaha aŭtavakzała ŭ handlovy centr Akropolis, adkryty niekalki miesiacaŭ tamu admysłova dla biełarusaŭ, stanovicca niepapularnym.
Nie dapamahaje ni rekłama, ni nadpisy na ruskaj movie. Maršrutu pasažyry ŭdzialajuć usio mienš uvahi. Tut niama i biełarusaŭ, jakija raniej składali niemałuju častku pasažyraŭ.
«My viali roznyja padliki. Spadziavalisia, što ŭstupić u siłu sproščany vizavy režym, ujezd stanie praściej. I ŭ rekłamie aryjentavalisia na takich pasažyraŭ, zrabili nadpisy na ruskaj movie. Ale viedajecie, jak byvaje - iskra to źjaŭlajecca, to źnikaje», - skazaŭ hienieralny dyrektar TOKS Arunas Indrašus.
Pa słovach kiraŭnika pradpryjemstva, jakoje zajmajecca aŭtapieravozkami, z momantu zapusku maršrutu viasnoj jaho papularnaść rasła pieršyja 2-3 miesiacy. Ale paźniej usie karty zbłytaŭ raspačaty siezon adpačynkaŭ, a taksama ekanamičny kryzis u Biełarusi, z pryčyny jakoha pakupnickaja zdolnaść biełarusaŭ mocna skaraciłasia.
Kamientary