Styŭ Džobs abiacaje dać cpravazdaču pierada kanhresam ZŠA ab «sačeńni» za ŭładalnikami iPhone
Pradstaŭniki Apple hatovyja paŭstać pierad kanhresam ZŠA na słuchańniach adnosna «sačeńnia», što ažyćciaŭlajecca iPhone za ich uładalnikami, jakija maje namier pravieści amierykanski sienat.
«Ja liču, što Apple zmoža adkazać na pytańni, jakija źjavilisia ŭ sienata, — zajaviŭ kiraŭnik kampanii Styŭ Džobs u intervju The Wall Street Journal. — Jany paprasili nas źjavicca na słuchańni, i my pavažajem hety zapyt, zrazumieła».
Skandał vakoł «špijonstva» papularnych va ŭsim śviecie pryład Apple razhareŭsia na minułym tydni, kali ŭ ŚMI źjavilisia paviedamleńni, što smartfony i płanšetniki kampanii sočać za svaimi ŭładalnikami i zachoŭvajuć dadzienyja ab ich pierasoŭvańniach jak minimum na praciahu hoda. Paźniej stała viadoma ab tym, što anałahičnyja funkcyi majuć hadžety, jakija pracujuć na AS Android.
Raniej na hetym tydni sienatar Ał Franku zajaviŭ ab tym, što maje namier sklikać słuchańni ŭ vierchniaj pałacie Kanhresa na temu «sačeńnia», jakuju viaduć hadžety Apple i Google za svaimi ŭładalnikami.
Kamientary