«Ja dumaŭ, što ja ŭ roli doktara». Tramp patłumačyŭ, navošta jon zapościŭ siabie ŭ vobrazie Chrysta
Donald Tramp prakamientavaŭ skandał vakoł vyjavy, jakuju jon raniej apublikavaŭ u svajoj sacsietcy Truth Social i dzie byŭ padadzieny ŭ vobrazie, padobnym da Isusa Chrysta, piša CNN.
Pa słovach Trampa, jon nie mieŭ na ŭvazie relihijny sens vyjavy. Tramp zajaviŭ, što ličyŭ, nibyta na malunku jon pakazany jak doktar, jaki dapamahaje ludziam.
«Ja sapraŭdy apublikavaŭ jaho, i ja dumaŭ, što heta ja ŭ roli doktara, i što heta maje dačynieńnie da Čyrvonaha Kryža», — skazaŭ jon žurnalistam u Biełym domie.
Taksama Tramp śćviardžaje, što interpretacyja vyjavy jak vobraza Isusa — heta pierabolšańnie, i tak mohuć rabić tolki ŚMI, jakija raznosiać «fejkavyja naviny».
«Ja tolki što pra heta pačuŭ i skazaŭ: «Jak jany da hetaha dadumalisia?» Heta pavinien być ja ŭ vyhladzie doktara, jaki lečyć ludziej. I ja sapraŭdy laču ludziej», — skazaŭ jon.
Raniej heta fota vyklikała šyroki rezanans i krytyku, u tym liku siarod jahonych ułasnych kansiervatyŭnych prychilnikaŭ. Paśla chvali abureńnia publikacyja była vydalenaja.
Situacyja adbyłasia na fonie abvastreńnia adnosin pamiž Trampam i Papam Lvom XIV. Prezident ZŠA krytykavaŭ pantyfika za jaho pazicyju adnosna Irana, u toj čas jak Papa zajaviŭ, što nie baicca krytyki i praciahnie vykazvać svaju pazicyju.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Samoje, kstati, dla tiebia zaniatije - po umu i vozrastu. Sidi siebie v Ovalnom kabinietie, risuj v uhołočkie, čtoby nie miešať sieŕjeznym diadiam słušať ekśpiertov i zanimaťsia słožnymi i važnymi diełami.