Taciana Ryniejskaja była adabranaja z 75 tysiač pretendentaŭ na ŭdzieł u reklamnaj kampanii brendu Benetton, ale brytanski kansulat dvojčy admoviŭ joj ŭ vizie.
Biełaruskaja madelka Taćciana Ryniejskaja była adabranaja z 75 tysiač pretendentaŭ na ŭdzieł u rekłamnaj kampanii brendu Benetton, ale nie zmahła vylecieć u Łondan, bo brytanski kansulat dvojčy admoviŭ joj ŭ vizie.
Brytancy zasumniavalisia ŭ tym, što niezamužniaja
Suśvietny brend modnaj vopratki Benetton druhi hod zapar ładzić kastynh madelaŭ dla novych kalekcyj u Siecivie. U hetym hodzie na konkurs padali zajaŭki kala 75 tysiačaŭ udzielnikaŭ. Niahledziačy na toje, što ŭ minułym hodzie Taćciana nie prajšła ŭ lik pieramožcaŭ, jana navažyłasia brać udzieł u adbory nanoŭ. I voś 12 dzion tamu Taćciana Ryniejskaja daviedałasia, što trapiła ŭ śpis 12 madelaŭ, što buduć zaprošanyja na zdymki dla rekłamnaj kampanii Benetton u Łondan.
U hety čas Taćciana znachodziłasia ŭ Paryžy. Adnak tam atrymać vizu nie atrymałasia: u brytanskaj ambasadzie skazali, što treba lacieć u Minsk i źviartacca ŭ miascovy kansulat. Ale i na radzimie brytanskuju vizu akazałasia atrymać nia tak prosta:
«Hałoŭnaja pryčyna — majo niezamužža, skančeńnie vučoby i strach supracoŭnikaŭ ambasady, što ja nie viarnusia mianie na radzimu praz šeść zapłanavanych dzion», — pisała ŭ svaim błohu Taćciana.
«Ja nie zdajusia. Benetton dazvalaje vylecieć na dzień paźniej. Za vychodnyja źbiraju raznastajnyja dakumienty, listy dyzajnieraŭ, što ja budu ŭdzielničać u pakazach u krasaviku, […] listy ad ŚMI išmat-šmat inšaha, što na 100% paćviardžaje čyściniu maich namieraŭ. […] Učora padavałasia iznoŭ. Ślozna prasiła razhledzieć jak maha chutčej, bo5-ha krajni termin vyletu. Siońniašniaja ranica. Pišu, telefanuju, prašu razhledzieć da abiedu. Zaprašajuć u ambasadu. I znoŭ admova! O, Bohi!»
«Jak takoje mahčyma? Takaja mahčymaść čałavieku dajecca raz u žyćci, i jana prajšła mima mianie. Kom u horle, i ad kryŭdy chočacca leźci na ścianu. Demakratyčnaja ŭ nas kraina, ci nie praŭda», — reziumuje Taćciana.
Taćciana z tych ludziej, pra jakich kažuć «zrabiła siabie sama». Naradziŭšysia ŭ Śvietłahorsku, jana zdoleła ŭ 20 hadoŭ atrymać tytuł «Mis fota» na konkursie «Mis
U kamientarach da svajho dopisu ŭ błohu Taćciana taksama dadaje, što ŭsio čaściej dumaje nad tym, kab «biehčy adsiul».
Kamientary