U Trajeckim pradmieści Minska pradajecca kvatera płoščaj 118 kvadrataŭ
U aŭtentyčnych budynkach, pabudavanych u pačatku minułaha stahodździa, časam chavajucca žyłyja kvatery. Hetaja prapanova — pa-sapraŭdnamu ŭnikalnaja. Dom pačatku XX stahodździa, 118 mietraŭ, kłasičny vajbavy interjer. Ale i kaštuje takoje zadavalnieńnie niatanna, piša Onliner.by.
Miesca dla takoha prastornaha žytła znajšłosia ŭ cahlanym domie 1917 hoda pabudovy na Staravilenskaj, 14. Jon staić prosta na bierazie Śvisłačy, dzie rehularna hulajuć haradžanie i turysty.
Častka voknaŭ vychodzić mienavita ŭ hety bok, tamu budučyja žychary zmohuć nazirać vodnyja i haradskija piejzažy. U kvatery jość dva pavierchi: na pieršym raźmiaścilisia kuchnia z haścinaj, a druhi zrabili spalnaj zonaj.
Kvatera całkam hatovaja da žyćcia ŭ joj i ŭkamplektavana meblaj i technikaj. Miarkujučy pa ŭsim, tut doŭha žyli albo ŭładalniki, albo arandatary, bo «terytoryja» vyhladaje abžytaja.
Interjer spadabajecca amataram kłasiki bieź źmiešvańnia ź niejkimi inšymi sučasnymi stylami.
Košt kvatery ŭ histaryčnym centry — 450 tysiač dalaraŭ.
Kamientary