U pres-relizie Mižnarodnaha alimpijskaha kamiteta (MAK) ukazana, što spartoŭcy ź Biełarusi i Rasii zmohuć spaborničać u Zimovaj Alimpijadzie — 2026 u niejtralnym statusie — na tych ža ŭmovach, što i na letnich Hulniach-2024, jakija prachodzili ŭ Paryžy.
Havorka idzie tolki pra spartoŭcaŭ, što prajšli kvalifikacyju ŭ indyvidualnych vidach. Kamandy pa-raniejšamu adchileny, paviedamlaje Sport Biełarusi.
Atrymać niejtralny status zmohuć spartoŭcy, jakija nie źviazany kantraktami z vajskovami orhanami abo słužbami nacyjanalnaj biaśpieki.
Pavodle kryteraŭ, atlety i členy piersanału taksama nie buduć dapuščany ŭ vypadku aktyŭnaj padtrymki vajennych dziejańniaŭ.
Adznačajecca, što jany taksama pavinny padpisać umovy ŭdziełu ŭ Hulniach, što prymianiajucca da ŭsich spartoŭcaŭ. U dakumiencie źmiaščajecca abaviazacielstva pavažać Alimpijskuju chartyju, uklučajučy «miratvorčuju misiju alimpijskaha ruchu».
Pytańniem ab adpaviednaści rasijan i biełarusaŭ niejtralnamu statusu budzie zajmacca śpiecyjalnaja kamisija. U jaje skład uvojduć eks-sinchranistka i člen MAK Nikol Chievierc, były baskietbalist zbornaj Ispanii i dvuchrazovy čempijon NBA Pau Hazol i kiraŭnik Mižnarodnaj fiederacyi himnastyki Marynary Vatanabe.
Zimovaja Alimpijada-2026 projdzie ŭ lutym nastupnaha hoda ŭ italjanskich Miłanie i Karcinie d'Ampiecy. Na minułaj zimovaj Alimpijadzie ŭ Piekinie ŭ 2022 hodzie biełarusy zavajavali dva srebry.
-
«Usio, čaho ja chacieła dasiahnuć u žyćci, ja zrabiła ŭ Polščy». Lehkaatletka Žodzik raskazała pra Biełaruś, pieramohu i svoj hanarar
-
Najlepšy hulec matča treciaha dyvizijona atrymaŭ u padarunak viadro žuravin
-
Biełaruska Maryja Žodzik pryniesła Polščy adziny miedal na čempijanacie śvietu pa lohkaj atletycy — srebra
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary