U vioscy pad Minskam pradajuć katedž z łaźniaj, padobnaj na haściničny numar
Niepadalok ad Minska pradajecca stylny adnapaviarchovy katedž. Znachodzicca jon u vioscy Čudzieničy — znajści jaje možna, kali jechać u łahojskim kirunku. Dom pabudavany ŭ 2019 hodzie z klejenaha brusa, tamu i vyhladaje sučasna: płoski dach, panaramnyja vokny, vialikaja terasa i atmaśfiernaje padśvietka ŭviečary, piša Onliner.by.
Płošča budynka — 135 m². Hałoŭnaja prastora — heta abjadnanaja kuchnia-haścioŭnia z čatyrochmietrovaj stollu i vychadam na terasu. U haspadarčym błoku praduhledžany spalnia, ułasny sanvuzieł z vannaj, kabiniet i harderobnaja. Jość jašče dva dziciačyja pakoi i asobny haściavy sanvuzieł. Va ŭsich pakojach, akramia haścioŭni, vyšynia stoli krychu ściplejšaja — try mietry.
Unutry — minimalizm sa skandynaŭskimi akcentami: biełyja i šeryja ścieny, łakalnyja kalarovyja ŭstaŭki nakštałt kuchni travianoha adcieńnia abo siniaj ściany ŭ spalni. Razynačku dadajuć panaramnyja vokny — jany vyrableny z dreva.
U katedžy jość usie nieabchodnyja kamunikacyi. Aciapleńnie arhanizavana z dapamohaj ciopłaj padłohi ź indyvidualnymi konturami i błokami kiravańnia dla kožnaha pakoja
Terasa vykładziena doškaj, na joj ustalavany bietonnyja vazony z raślinami, jakija ćvituć u rozny čas hoda. U dvary jość zona barbiekiu, vialiki stoł na 12 čałaviek i vuličnaja mebla
Učastak zajmaje 12,5 sotki, roŭny, z łandšaftnym dyzajnam. Praduhledžany aŭtapaliŭ hazona, padśvietka darožak i dreŭ, dziciačaja placoŭka, vohnišča i navat pierasoŭnaje baskietbolnaje kalco. Pa pierymietry vysadžany darosłyja tui i jełki.
Na terytoryi pabudavany i haściavy dom płoščaj 83 m². Tut raźmiaściŭsia prastorny pakoj z kuchniaj, panaramnymi voknami i ekranam dla prajektara, a taksama sučasnaja łaźnia z droŭnaj piečkaj, dušam i sanvuzłom.
Abydziecca taki kompleks u $299 000 pa kursie.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ1
Kamientary