«Jeŭrapiejskija krainy nie pavinny zakryvacca ad biełaruskich hramadzian». Prezident Čechii prakamientavaŭ sustreču z Alesiem Bialackim
Prezident Čechii Pietr Pavieł napisaŭ na svajoj staroncy ŭ sacsietcy X uražańni paśla sustrečy 16 sakavika ź biełaruskim pravaabaroncam i byłym palitviaźniem, łaŭreatam Nobieleŭskaj premii miru Alesiem Bialackim, piša «Viasna».
«Mieŭ honar vitać pravaabaroncu i łaŭreata Nobieleŭskaj premii miru Alesia Bialackaha, jaki niespraviadliva pravioŭ bolš za siem hadoŭ u biełaruskaj turmie.
My pahadzilisia, što sankcyi suprać biełaruskaha režymu zastajucca darečnymi, pakul jon praciahvaje źmiaščać u turmu svaich krytykaŭ i žorstka padaŭlać hramadzianskija svabody.
Biełarusy zasłuhoŭvajuć prava svabodna i bieź źniešniaha ŭmiašańnia vyrašać svaju budučyniu. U hetym kantekście Aleś Bialacki taksama nahadaŭ, što jeŭrapiejskija krainy nie pavinny zakryvacca ad biełaruskich hramadzian — tolki takim čynam biełarusy zmohuć pieraadoleć naviazanuju im izalacyju», — napisaŭ Pietr Pavieł.
Aleś Bialacki sustreŭsia z prezidentam Čechii
Bialacki zajaviŭ, što jaho vyzvalili dziakujučy sankcyjam Zachadu suprać Łukašenki, i zaklikaŭ nie źmiakčać ich
Bialacki viarnuŭsia ŭ fejsbuk: «Nivodnaha dnia ŭ turmie ja nie škadavaŭ za zroblenaje»
Bialacki: Efiektyŭny cisk na Łukašenku — ekanamičnyja, palityčnyja sankcyi i niepryznańnie vybaraŭ
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary