Bialacki viarnuŭsia ŭ fejsbuk: «Nivodnaha dnia ŭ turmie ja nie škadavaŭ za zroblenaje»
Łaŭreat Nobieleŭskaj premii miru, kiraŭnik pravaabarončaha centra «Viasna» i były palitviazień Aleś Bialacki adnaviŭ svoj akaŭnt u fejsbuku i ŭpieršyniu paśla svajho vyzvaleńnia 13 śniežnia minułaha hoda zrabiŭ u im dopis.
«02 sakavika.
Nie minuła i piaci hadoŭ…
Niekalki dzion, jak adnavili mnie dostup da Fejsbuku, a ja ŭsio pryhladaŭsia, nie navažvaŭsia viarnucca tudy, adkul mianie dastali ŭ lipieni 21-ha.
Urešcie siońnia advažyŭsia.
I napačatku chaču padziakavać usim znajomym i nieznajomym siabroŭkam i siabram, jakija chvalavalisia i pieražyvali za mianie, rabili, što mahli, kab dzień voli dla mianie nastaŭ raniej.
Vializnaja maja padziaka!
Ja zaŭsiody ledź nie fizična adčuvaŭ mahutnuju chvalu salidarnaści z voli i sa mnoj i ź inšymi palitviaźniami. Z takoj padtrymkaju psichałahična siadzieć było kamfortna, choć i spali «na bietonie», i chadzili aby ŭ čym, i jeli, što daduć.
Nivodnaha dnia ŭ turmie nie byŭ ja rasčaravany, nie pačuvaŭsia pakinutym, nie škadavaŭ za zroblenaje.
Pierakanany, što razam my — moc, razam my nie prapadziom, razam my pieramožam!», — napisaŭ Aleś Bialacki.
Bialacki: Efiektyŭny cisk na Łukašenku — ekanamičnyja, palityčnyja sankcyi i niepryznańnie vybaraŭ
Alesiu Bialackamu ŭ Osła ŭručyli Nobieleŭski dypłom i znak łaŭreata
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
Aleś Bialacki nazvaŭ, chto dla jaho maralny aŭtarytet
Što Bialacki raskazaŭ pra turmu, vajnu, Nobieleŭskuju premiju i budučyniu Biełarusi. Poŭny tekst intervju
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary