ZŠA amal štodnia pahražajuć Kubie źviaržeńniem urada siłaj, ale pry najhoršym raźvićci padziej luby źniešni ahresar sutykniecca ź niepieraadolnym supracivam, napisaŭ u X kubinski prezident Mihiel Dyjas-Kaniel.
Jon zajaviŭ pra aburalnyja abmiežavańni «asłablenaj ekanomiki, jakuju jany atakavali i sprabavali izalavać na praciahu bolš čym šaści dziesiacihodździaŭ».
«Jany majuć namier i abviaščajuć płany zachapić krainu, jaje resursy, majomaść i navat samu ekanomiku, jakuju imknucca zadušyć, kab prymusić nas zdacca. Tolki tak my možam rastłumačyć žorstkuju ekanamičnuju vajnu, jakaja viadziecca jak kalektyŭnaje pakarańnie suprać usiaho nasielnictva», — dadaŭ Dyjas-Kaniel.
Pavodle danych Axios, dziaržsakratar ZŠA Marka Rubia pravodzić zakrytyja kansultacyi z 41‑hadovym Raulem Hiljerma Radryhiesam Kastra, jaki źjaŭlajecca ŭnukam byłoha prezidenta Kuby Raula Kastra.
9 sakavika Tramp zajaviŭ žurnalistam, što Rubia budzie damahacca «siabroŭskaha zachopu» vostrava Złučanymi Štatami, ale dapuściŭ i scenar z užyvańniem vajennaj siły.
ZŠA dali zrazumieć Havanie, što chacieli b sychodu Dyjasa-Kaniela. U Vašynhtonie jaho ličać prychilnikam žorstkaj linii i praciŭnikam nieabchodnych strukturnych reformaŭ ekanomiki.
Taksama ZŠA damahajucca adchileńnia niekatorych pažyłych čynoŭnikaŭ, jakija zastajucca prychilnikami idej Fidela Kastra.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary