U centry haradka łoś zabraŭsia na pryvatny padvorak.
Taćciana Hierasiuk, da jakoj zavitaŭ niečakany hość, maje nieabvieržnyja dokazy — fatahrafii łasia ŭ jaje aharodzie, piša «Pierśpiektyva».
Incydent adbyŭsia ŭ niadzielu a siomaj hadzinie ranicy na vulicy 17 Vieraśnia. Taćciana ź dzieviacihadovym synam Mišam jašče spali, jak skroź son pačuli čyjeści kroki na vulicy. Pahladzieli ŭ akno i ŭbačyli złamany płot.
U abied Taćciana pajšła na aharod sadzić chryzantemy i vyjaviła na ŭčastku čyjeści vielizarnyja ślady. Pryhledziełasia — i asłupianieła: ślady łasia!
Viečaram sumnievy całkam raźviejała susiedka Vieranika. Jana prysłała fatahrafii, jakija paśpieła zrabić, — raskazała Taćciana.
— Pa jaje słovach, łoś sam nie zrazumieŭ, što adbyłosia, traŭmavaŭ pravuju zadniuju nahu. Doŭha na ŭčastku Taćciany Hierasiuk łoś nie zabaviŭsia, pajšoŭ na susiedni. Zatym nakiravaŭsia ŭ inšy bok vulicy Čyrvonaarmiejskaj. Tamtejšyja žychary vyklikali rabotnikaŭ MNS.
— Vyklik pryjšoŭ kala vaśmi hadzin ranicy ad žycharoŭ adnaho z damoŭ pa vulicy Zialonaj, — paviedamiŭ načalnik dziažurnaj źmieny PASČ № 1 Hrodzienskaha rajadździeła MNS Alaksiej Sidlarevič.
— Haspadynia pakazała ślady łasia, pa ich my i pajšli. Nieŭzabavie pabačyli jaho na inšym padvorku. Kali nablizilisia mietraŭ na sto, žyvioła stała ŭciakać. My praviali jaje ŭ bok lesu, kab jana nie hulała pa horadzie. Ratavalniki paviedamili pra incydent u słužby achovy pryrody i navakolnaha asiarodździa.
Alaksiej Sidlarevič pryznaŭsia, što ŭ jaho praktycy heta pieršy vypadak, kali łoś hulaŭ u Skidzieli. A voś jaho kaleham užo davodziłasia vyjazdžać pa padobnych paviedamleńniach.
Taćciana Hierasiuk źviarnułasia ŭ Skidzielskuju ŽKH z prośbaj adramantavać złamany płot. Zajaŭka budzie vykanana.
Darečy, jašče adnu stratu vyjaviła Taćciana paśla prychodu niečakanaha hościa: z troch kustoŭ bujakoŭ źnikli jahady. Vidać, łoś byŭ hałodny.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
Poriezałsia bujakami i pamior ot krovopotieri pri spasienii?
[Zredahavana]