Čmiakajuć, siorbajuć i ližuć palcy: chto ź biełarusaŭ padniaŭsia na mukbanhu

Nasamreč, žanru ŭžo nie pieršy hod.

Mukbanh — heta videa, u jakim čałaviek pajadaje ježu (časta vialikuju porcyju) pierad kamieraj i kamientuje praces, razmaŭlaje z hledačami abo prosta stvaraje efiekt sumiesnaha abiedu.

Pieršyja mukbanhi źjavilisia ŭ Paŭdniovaj Karei kala 2010 hoda na płatformach žyvych tranślacyj. Ich papularnaść tłumačyłasia tym, što mnohija ludzi ŭ vialikich haradach adčuvali siabie samotnymi padčas pryjomu ježy, a taki farmat davaŭ mahčymaść «pajeści razam» chacia b u virtualnaj prastory.

Žanr chutka raspaŭsiudziŭsia pa ŭsim śviecie. Asablivuju papularnaść jon atrymaŭ na YouTube i paźniej u TikTok, dzie videa stali karaciejšymi, bolš dynamičnymi i z akcentam na vizualnyja i hukavyja efiekty.

Daloka nie zaŭsiody praces śniadanku ci viačery vyhladaje estetyčna. Niekatoryja błohiery demanstratyŭna čmiakajuć, siorbajuć ci ablizvajuć palcy, adnačasova raskazvajučy padpisčykam niejkuju historyju.

Ale ž treba adznačyć: u takich videa sapraŭdy jość niejkaja mahija i adarvacca ad taho, jak jeść inšy čałaviek, byvaje składana.

Adna z papularnych biełaruskich mukbanh-błohierak — heta dziaŭčyna Renata z Harodni, jakaja padpisana ŭ tyktoku jak libeeertyy_. Videa, u jakim tyktokierka sprabuje źjeści hihanckuju šaŭrmu za piać ukusaŭ, nabrała bolš za 2 miljony prahladaŭ i 176 tysiač łajkaŭ.

@libeeertty_ Sjeli by? #CapCut #iedanakamieru #mukbanh #mukbanhieda #mukbanhvidieo #mukbanhiedanakamieru #čtoprihotoviť #šaurma #kiebab #donier #čtojaiem #čtojaiemzadień #obzoriedy #pochudienije #dieficitkałorij ♬ Sex And The City - Main Theme - Geek Music

Nastupny raz dziaŭčyna, jakaja maje rost 164 santymietry i važyć 52 kiłahramy, uziała šaŭrmu pamieram ažno paŭmietra. Abmiežavańniaŭ pa kolkaści ŭkusaŭ rabić nie stała — skazała, što budzie ličyć dasiahnieńniem, kali ŭvohule zmoža stolki źjeści. Atrymałasia za 25. Videa taksama zalacieła — nabrała 2,3 miljona prahladaŭ i bolš za 173 tysiačy łajkaŭ.

U svaim błohu dziaŭčyna taksama dzielicca receptami, a jašče raspaviadaje sakrety, jak zastavacca ŭ dobraj fizičnaj formie. Na Renatu padpisanyja bolš za 20 tysiač čałaviek.

Biełaruska Dana Kim vyjšła zamuž za karejca (tamu daviałosia krychu schłusić baćkam pra ŭzrost niaviesty, kab jany pahadzilisia na taki šlub) i ciapier žyvie ŭ Paŭdniovaj Karei. Na dziaŭčynu ŭ tyktoku padpisana kala 85 tysiač čałaviek. Davoli časta Dana vykładvaje mukbanh videa — u ich jana čaściej za ŭsio jeść stravy karejskaj kuchni.

@kim_danaa #korieja#koriejskajaieda#biełaruś#mukbanh#danaslife ♬ orihinalnyj zvuk - Koreanka

Navat padčas vizitu ŭ Minsk dziaŭčyna pajšła ŭ karejski restaran, dzie z apietytam jeła stravy i kamientavała, nakolki ježa aŭtentyčnaja. Dana pieryjadyčna robić ekśpierymienty kštałtu ceły dzień jeści tolki ŭ karejskim «Makdonaldsie».

Na mukbanhu śpiecyjalizujecca i biełaruskaja tyktokierka ź nikam ledi_margo. Niahledziačy na toje, što na dziaŭčynu padpisanyja pakul krychu bolš za 3 tysiačy čałaviek, joj udajecca stvarać videa ź miljonnymi prahladami.

Błohierka spačatku hatuje niejkuju niebanalnuju ježu, a potym jaje jeść na kamieru. Naprykład, 9,5 miljona prahladaŭ i 672 tysiačy łajkaŭ nabraŭ rolik z trendavym desiertam «Bała Bajana».

A videa, u jakim Marho zapichvaje ŭ siabie hihanckija porcyi ježy, nazyvajučy ich «malusieńkimi», nabrała amal 10 miljonaŭ prahladaŭ i 574 tysiačy łajkaŭ.

@ledi_margo_ Probuju samuju maleńkuju jedu#suši #morožienoje #ieda ♬ orihinalnyj zvuk - ledi_margo_

Fantazija ŭ tyktokierki pracuje niabłaha. Tak, na chvali chajpu Mejbi Bejbi Marho zrabiła dzień charčavańnia ŭ styli hetaj papularnaj biełaruskaj śpiavački — i atrymała svoj miljon prahladaŭ.

Tyktokierka ź Biełarusi, jakaja nazyvaje siabie Ciotka Nataša, viadzie błoh bieź lišniaha pafasu i hłamurnych interjeraŭ. Jana z apietytam jeść zvyčajnuju ježu i raskazvaje adnačasova niejkija bytavyja historyi.

Naprykład, zajšła na viačeru da dački, abmierkavała piure ź miasam dy braŭni — a videa nabrała bolš za 780 tysiač prahladaŭ.

@natali_bel_mukban #tiotianatašamukbanh #iedanakamieru #ieda #mukbanhieda #mukbanh ♬ orihinalnyj zvuk - Natali_bel_mukbang

Jość amatary mukbanhu i ŭ rehijonach — naprykład, Natalla z Čerykava. U intervju ANT žančyna raspaviała, što spačatku joj samoj było niepryjemna hladzieć videa mukbanh-błohieraŭ. Ale paśla jana zacikaviłasia hetym fienomienam — kaža, zaciahnuła. Nu a paśla zaharełasia idejaj rabić svaje roliki.

Pryznajecca, spačatku było strašna rabić mukbanh-tyktoki. U niejki momant vyrašyła: žyćcio adno, čamu b nie pasprabavać?

Videa ŭ Natalli taksama prostyja: naprykład, jana jeść smažanuju bulbu z cybulaj dy sałatu i raspaviadaje pra rasadu.

@pro_100_nata #mukbanh #mukbang #obied #prijatnohoappietita #mugbang #russianfood #iemnavidieo #iemnakamieru ♬ orihinalnyj zvuk - pro_100_nata

Mužčyn-mukbanhieraŭ u Biełarusi mienš, čym žančyn, ale adšukać možna. Uziać chacia b homielskaha tyktokiera Uładzisłava Styleŭskaha, akaŭnt jakoha nazyvajecca «Bacia na kuchni».

Na staronku Uładzisłava padpisana bolš za 46 tysiač čałaviek. Mužčyna dzielicca receptami i pakazvaje, jak jeść — naprykład, burhier za dva ŭkusy.

@batia_by Hamburhier za 2 ukusa Jem burhier za 2 ukusa …Očień horiačij #iedanakamieru #iemnakamieru #iemnavidieo #homiel #biełaruś #vkusnyjmukbanh #asmrieda #vkusno #hamburieh #burhier #burhierzadvaukusa #mukbanh #mukbanhieda #čiellendž #eating #foryoupage #asmrfood #burgers ♬ L E M O N C A K E - User

Ale nasamreč mukbanh — daloka nie samy biasškodny dla zdaroŭja trend. Niekalki miesiacaŭ tamu ad pankreatytu zahinuła 28‑hadovaja rasijskaja mukbanh-błohierka Maryna Kuźmienka. Niekalki hadoŭ zapar jana zapisvała videa, u jakich jeła chatniuju, ale vielmi niezdarovuju ježu, bahata palituju majanezam.

Na prybytki ad svajho tyktok-kanała Maryna zabiaśpiečvała siabie i 5‑hadovaha syna. Jana raniej traplała ŭ balnicu z pankreatytam, ale paśle vypiski admaŭlałasia prytrymlivacca nieabchodnaj dyjety i znoŭ jeła kałaryjnuju i ciažkuju dla straŭnika ježu. U vyniku, kali zdaryŭsia čarhovy recydyŭ, daktary nie paśpieli jaje vyratavać.

• 2
• 0
• 0
• 16
• 1
• 0
• 2
• 0