U Jeŭropie praz ekstremalnuju śpiakotu zahinuli ŭžo dziasiatki ludziej
U Jeŭropie praciahvajecca biesprecedentnaja chvala śpiakoty, jakaja ŭžo pryviała da dziasiatkaŭ čałaviečych achviar i surjoznych prablem u šerahu krain, piša The Guardian.
U Francyi paśla pačatku ekstremalnaj śpiakoty patanuli kala 40 čałaviek. Premjer-ministr krainy Siebaśćian Lekarniu nazvaŭ situacyju trahiedyjaj i sklikaŭ ekstrannuju naradu.
23 červienia staŭ samym haračym dniom za ŭsiu historyju mieteanazirańniaŭ u Francyi: tempieratura pavietra dasiahnuła +44,3°C. U bolš čym paŭsotni departamientaŭ abvieščany najvyšejšy ŭzrovień mietearałahičnaj niebiaśpieki.
Z-za vysokich tempieratur byli ŭviedzienyja abmiežavańni ŭ pracy viadomych turystyčnych abjektaŭ. Ejfieleva vieža raniej začyniłasia dla naviedvalnikaŭ, a Łuŭr skaraciŭ čas pracy. Ułady rekamiendavali žycharam rehijona Il-de-Frans pa mahčymaści pracavać dystancyjna i mienš karystacca hramadskim transpartam.
Śpiakota zakranuła i enierhietyčnuju śfieru. Na atamnaj elektrastancyi Halfieš na paŭdniovym zachadzie Francyi byŭ spynieny adzin z reaktaraŭ, bo vada dla jaho astudžeńnia nahrełasia vyšej za biaśpiečny ŭzrovień.
Pavodle francuzskich sinoptykaŭ, anamalna haračaje nadvorje zachavajecca da kanca tydnia. Pryčynaj nazyvajuć pavolnaje pieramiaščeńnie haračych pavietranych mas z pustyni Sachara.
Składanaja situacyja nazirajecca i ŭ inšych krainach Jeŭropy. U Vialikabrytanii čakajecca pavyšeńnie tempieratury da +40 °C, u suviazi z čym abvieščana čyrvonaje papiaredžańnie pra śpioku, a niekatoryja škoły daterminova zaviaršyli zaniatki.
U Italii čyrvony ŭzrovień niebiaśpieki ŭviedzieny ŭ 15 haradach, uklučajučy Rym i Miłan. Praz masavaje vykarystańnie kandycyjanieraŭ u asobnych rehijonach adbyvajucca pieraboi z elektrazabieśpiačeńniem. Tolki ŭ Parmie za try dni bolš za tysiaču čałaviek źviarnulisia pa miedycynskuju dapamohu ŭ suviazi z uździejańniem vysokich tempieratur.
U Hiermanii za minułyja vychodnyja značna ŭzrasła kolkaść niaščasnych vypadkaŭ na vadajomach. Pavodle aficyjnych danych, zahinuli jak minimum piać čałaviek.
U Ispanii amal pa ŭsioj krainie dziejničajuć papiaredžańni ab ekstremalnaj śpiakocie. Na bolš čym sta mieteastancyjach byli zafiksavanyja tempieratury +40°C i vyšej. U pravincyi Almieryja ŭžo niekalki načej zapar tempieratura nie apuskajecca nižej za +30°C.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary