Jana Hurynovič z Marjinaj Horki prajšła šlach ad pracy ŭ turyźmie da kiraŭnicy pa padbory IT-śpiecyjalistaŭ, a paśla sama stała QA-inžynierkaj.
Janie Hurynovič 39 hadoŭ. Ź dziacinstva dziaŭčyna žyła ŭ Marjinaj Horcy. Viadoma, što ŭ jaje jość muž i małoje dzicia.
U 2009 hodzie Jana skončyła hieahrafičny fakultet BDU i spačatku pracavała namieśnicaj dyrektara ŭ Centry turyzmu ŭ adnym z haradoŭ Minskaj vobłaści. Ale paśla znajšła vakansiju ŭ IT-śfiery i bolš za vosiem hadoŭ adpracavała HR-mieniedžarkaj u spartyŭnaj analityčnaj kampanii InStat Sports Co. Kalehi ŭ vodhukach nazyvajuć jaje daśviedčanaj śpiecyjalistkaj, jakaja vydatna viedaje ŭsie najlepšyja praktyki rynku.
U 2023 hodzie Jana vyrašyła źmianić prafiesiju i pierajšła ŭ teściroŭščycy (QA). Jana skončyła niekalki prafiesijnych škoł, takich jak RedRover i SDET School, dzie vyvučała aŭtamatyzavanaje testavańnie, Python, SQL i inšyja technałohii.
Apošnija dva hady dziaŭčyna pracavała QA-inžynierkaj u startapie Sequoia, jaki zajmajecca mužčynskim seksualnym zdaroŭjem. Tam jana pravodziła ŭsie vidy testavańnia mabilnaha dadatku.
Janiu Hurynovič niadaŭna asudzili ŭ Minskim abłasnym sudzie pavodle častak 1 i 2 artykuła 361‑4 KK («sadziejničańnie ekstremisckaj dziejnaści»). Pieraśled źviazany sa spravaj Hajuna.
Joj prysudzili chatniuju chimiju.
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Zasnavalnik «Hajuna» Anton Matolka adrazu paśla ŭzłomu patłumačyŭ, jak adbyłasia ŭciečka infarmacyi, i abviaściŭ pra zakryćcio prajekta.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony 9594 ludziej, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Naša Niva» — bastyjon biełaruščyny
PADTRYMAĆCiapier čytajuć
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary