U HC Palazzo ŭ najbližejšyja miesiacy zvykły fudkort pieraabstalujuć u fudchoł z žyvymi raślinami. Stravy płanujuć padavać u restarannym kieramičnym, a nie płastykavym posudzie, piša Realt.by.
Novy fudchoł adkryjecca na trecim paviersie HRC Palazzo — na miescy zvykłaha fudkorta. Abiacajuć, što heta budzie novy dla Biełarusi farmat. Interjer abnoviać, meblu zamieniać, a samu zału pašyrać. Płošča fudchoła składzie 1700 kvadratnych mietraŭ, piša Realt.by.
Bolšuju častku prastory zojmuć restarannyja stoliki, hłybokija kanapy i kresły z čyrvonaha dreva. Sa stoli buduć źvisać 286 unikalnych śviacilniaŭ śfieryčnaj formy z atmaśfiernym śviatłom. Siarod niezvyčajnaha — ciaham usiaho hoda pamiž stałami buduć raści bolš za 280 žyvych raślin: ad šmathadovych kvietak da karlikavych dreŭ i žyvych fitaścien. Siarod ich buduć i redkija vidy, jakija ciažka znajści ŭ Biełarusi.
U fudchole budzie pracavać bolš za dziesiać apierataraŭ z akcentam na aŭtarskija stravy. Buduć prezientavanyja roznyja kuchni śvietu, u tym liku biełaruskaja, uźbiekskaja, hruzinskaja, tajskaja, vjetnamskaja, kitajskaja dy italjanskaja.
Płanujecca vykarystoŭvać kieramičny posud zamiest płastykavaha. Usich apierataraŭ paprasili karystacca restarannym posudam i pryborami. U centry fudchoła raźmieścicca adkryty bar.
Novy fudchoł Foresto pačnie pracavać najbližejšyja miesiacy.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku34
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary