U Minsku kvateru biez azdableńnia chočuć zdać u arendu za $990

Niekatory čas tamu zabudoŭščyk žyłoha kompleksu «Minsk-Śviet» pačaŭ prasoŭvać niešta novaje dla rynku nieruchomaści — šmatfunkcyjanalnyja biznes-apartamienty. Heta nibyta i nie žyllo, i nie ofisy, a niešta siaredniaje. U miežach novaha žyłoha kvartała budujecca niamała damoŭ z takimi pamiaškańniami.

Adzin ź ich — dom pad nazvaj «Niaśvižski zamak». Zaraz u im zdajecca ŭ arendu dvuchpakajovaja kvatera biez azdableńnia, košt jakoj moža ździvić, piša Onliner.by.

Pavialičyć

«Niaśvižski zamak» znachodzicca na vulicy Žaresa Ałfiorava, 22. Heta efiektny 16‑paviarchovy hmach na samym uskrajku «Minsk-Śvietu».

Pad domam jość padziemny parkinh, na pieršym paviersie raźmieščanyja kamiercyjnyja pamiaškańni, a na astatnich — biznes-apartamienty roznych farmataŭ i płoščaŭ. U takim typie nieruchomaści možna albo žyć, albo adkryć biznes, albo sumiaščać abodva varyjanty. «Kamunałka» pry hetym budzie naličvacca pa kamiercyjnych taryfach.

Voś apisańnie ad zabudoŭščyka:

— Heta novy farmat nieruchomaści z asablivym pravavym režymam. Tut možna zarehistravacca jak fizičnaja asoba (rehistracyja pa miescy žycharstva), a taksama mahčymaja rehistracyja jurydyčnaj asoby (kampanii luboj formy ŭłasnaści).

Šmatfunkcyjanalnyja apartamienty — heta miesca, dzie budzie kamfortna vašaj siamji. Z usimi mahčymaściami kompleksu. Mahčymaść rehistracyi kampanii — dadatkovy bonus, jakim možna skarystacca pa žadańni.

Pavialičyć

Zusim nieabaviazkova adnačasova žyć i vieści biznes. Možna zasialicca, nabyŭšy abjekt dla pražyvańnia, zarehistravacca pa miescy žycharstva, a potym, kali ŭźniknie žadańnie, aformić rehistracyju jurydyčnaj asoby luboj formy ŭłasnaści i adkryć ułasnuju spravu ŭ adnoj z samych vyhadnych biznes-łakacyj. Ale pytańnie, jak mienavita ŭładalniki buduć vykarystoŭvać svaje mietry, zastajecca adkrytym. Vychodzić, adzin susied moža ŭładkavać žyllo dla siamji, a druhi — adkryć za ścienkaj umoŭny biznes z «manikiuram»? Tak, mienavita tak.

Naprykład, uładalnica dvuchpakajovaj kvatery na 15‑m paviersie «Niaśvižskaha zamka» ŭžo ciapier pakłapaciłasia pra toje, kab jaje inviestycyi ŭ nieruchomaść pracavali. Apartamienty płoščaj 44 kvadratnyja mietry jana choča zdać u arendu za $990. Pry hetym jany zdajucca z čarnavym azdableńniem:

— Ramontu niama, vy možacie zrabić jaho pad svaje patreby. Paśla pieradačy klučoŭ možna adrazu zasialacca i pačynać ramont. Za ścianoj z hetym pamiaškańniem zdajecca jašče adno — płoščaj 38 kv. m z łodžyjaj. Mahčymaja arenda adrazu dvuch pamiaškańniaŭ. Va ŭłasnaści jość 2 mašyna-miescy. Ich arenda abmiarkoŭvajecca.

Pavialičyć

Dla žylla ŭ takim stanie staŭka ŭ $990 vyhladaje šakavalna, a voś dla biznesu — užo prymalnaj. Atrymlivajecca, novyja typy nieruchomaści patrabujuć novych padychodaŭ. Pahladzim, jak na takija prapanovy buduć reahavać patencyjnyja arandatary.

• 0
• 0
• 6
• 2
• 0
• 0
• 1
• 0