Pradajecca šykoŭnaja čatyrochpakajoŭka nad «Centralnym». Kolki prosiać?
Kvatera ź vialikim vuhłavym bałkonam znachodzicca pa adrasie praśpiekt Niezaležnaści, 23. U hetym budynku mieściacca lehiendarny ŭniviersam «Centralny» i ŭvachod u stancyju mietro «Kastryčnickaja».
Ahulnaja płošča čatyrochpakajoŭki — amal 140 kvadrataŭ. Najmienšy z pakojaŭ maje płošču 17 mietraŭ, a samy vialiki — 30.
U kvatery prastorny choł-kalidor ahulnaj płoščaj 20 kvadrataŭ, dva sanvuzły i tradycyjna nievialikaja kuchnia na 8,1 mietra.
Vyšynia stolaŭ — 3,1 mietra. Ale, badaj, hałoŭnaja ŭnikalnaść hetaj kvatery ŭ tym, što jana znachodzicca na čaćviortym paviersie, jaki adziny ŭ domie, dzie jość bałkony. Asablivaj kaštoŭnaści dadaje toj fakt, što kvatera vuhłavaja, tamu bałkon tut vialiki i vychodzić adrazu na praśpiekt Niezaležnaści i vulicu Lenina.
Usie vokny vychodziać na prajeznuju častku.
Što da ramontu, to pry žadańni zajechać u hetuju kvateru možna adrazu, ale dla kamfortnaha pražyvańnia jaho vidavočna treba abnavić.
Parkietnaja padłoha nie ŭ samym lepšym stanie, dy i ścieny miescami vyhladajuć davoli zavedzhanymi.
Ramont tut, miarkujučy z apisańnia, apošni raz rabili ŭ 2015-m, kali adbyvaŭsia kapitalny ramont doma. Tady ž zamianili staryja radyjatarnyja batarei na sučasnyja aluminijevyja. Ale kanceptualna azdableńnie vyhladaje jak z kanca 1990‑ch — pačatku 2000‑ch hadoŭ, bo dźviarny prajom, jaki viadzie na kuchniu, maje arku, papularnuju ŭ tyja časy.
U vialikim sanvuźle staić vuhłavaja vanna, umyvalnik, unitaz i bide. Plitka na ścienach i padłozie — heta znoŭ ža jak pryvitańnie z 1990-ch.
Niahledziačy na toje, što žytło patrabuje ŭkładańniaŭ, cana vyhladaje nievysokaj dla takoha abjektu. Za prastornuju stalinku ŭ samym centry stalicy prosiać 360 tysiač dalaraŭ.
Heta kala 2600 dalaraŭ za mietr, što vyšej za siaredni košt mietra ŭ Minsku, jaki niadaŭna pieraadoleŭ adznaku na 2000 dalaraŭ, ale i kvatera hetaja — daloka nie zvyčajnaje žytło ŭ spalnym rajonie stalicy.
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary