Kvadrat u Minsku kaštuje rekordna doraha: narešcie pabity rekord 2007 hoda
U śniežni 2025 hoda kvadrat u Minsku pieravaliŭ za $2000. Apošni raz takoje było ŭ dalokim 2007-m.
Pavodle statystyki Realt.by, u kancy śniežnia siaredni košt prapanovy kvadrata ŭpieršyniu z 2007 hoda pieravaliŭ za adznaku $2000. Pa stanie na 21 śniežnia za staličny kvadrat u siarednim prasili pa $2071, a jašče praz tydzień — 28 śniežnia — cana pa prapanovach vyrasła da $2084 za mietr.
Admietna, što, pačynajučy z 28 śniežnia, adznaku pieraadoleŭ i mietr na druhasnym rynku — $2016. Kvadrat u novabudoŭlach jašče daražejšy — $2170.
Da hetaha absalutnym rekordam doŭhija hady zastavaŭsia kaniec 2007 hoda, kali za kvadrat u Minsku ŭ siarednim prasili pa $2010. Praŭda, z ulikam inflacyi dalara možna adznačyć, što ciapier kvatery ŭ stalicy Biełarusi ŭsio jašče kaštujuć tańniej, čym 18 hadoŭ tamu, bo ŭ cełym pakupnickaja zdolnaść $2000 tady i ciapier istotna adroźnivajecca.
Za 2025 hod cana prapanovy kvadrata ŭ Minsku vyrasła na 47%, z $1416 da $2084.
Samyja nizkija ceny za apošniuju piacihodku byli zafiksavanyja naprykancy listapada 2022 hoda. Tady za kvadrat u stalicy ŭ siarednim prasili pa $1153.
«Naša Niva» — bastyjon biełaruščyny
PADTRYMAĆ
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary