Heta doktar-infiekcyjanist Uładzisłaŭ Abušenka, jaki byŭ na chatniaj chimii, a tamu nie ŭvachodziŭ u śpis trampaŭskich «1300 palitviaźniaŭ».
«Našaj Nivie» stała viadoma imia adnaho z 20 «ekstremistaŭ», jakich Alaksandr Łukašenka pamiłavaŭ 30 śniežnia 2025 hoda.
Heta Uładzisłaŭ Abušenka. Chłopcu 30 hadoŭ, jon pracuje infiekcyjanistam u 25‑j paliklinicy Minska.
U lutym 2024 hoda siłaviki apublikavali videa z zatrymanym Uładzisłavam. Prykładna tady jon i byŭ aryštavany — za ŭdzieł u pratestach 2020 hoda. Chutčej za ŭsio, dva miesiacy da suda Abušenka pravioŭ u SIZA. U krasaviku 2024 hoda chłopca adpuścili dadomu, prysudziŭšy chatniuju chimiju. Dakładny termin nieviadomy — heta mahli być typovyja 2‑3 hady. U mai 2024 hoda prysud uvajšoŭ u dziejańnie.
Kali Abušenka pačaŭ adbyvać pakarańnie prykładna ŭ červieni 2024 hoda, to da daty pamiłavańnia jon pravioŭ na chatniaj chimii ŭžo amal dva hady — bolš za paŭtara hoda doma plus miesiacy ŭ SIZA, paličanyja dvajnym kaeficyjentam.
Kali Abušenku dali dva hady chatniaj chimii, to jamu zastavałasia pražyć z abmiežavańniami ličanyja dni. Kali jon atrymaŭ try hady — to zastavaŭsia jašče hod.
Admietna, što Uładzisłaŭ mieŭ status «byłoha palitviaźnia» — za tyja miesiacy, što pravioŭ u SIZA.
Pavodle mietadałohii pravaabaroncaŭ u lik palitviaźniaŭ nie ŭklučajucca tyja, chto znachodziacca na chatniaj chimii. Tak, jany taksama achviary palityčnaha pieraśledu, ale ich nieadkładnaje vyzvaleńnie z-pad varty nie patrabujecca, bo ludzi i tak znachodziacca doma.
A voś tych, chto znachodzicca ŭ SIZA, u kałonijach i ŭ turmach, zastajecca minimum 1131 čałaviek. Mahčyma, nivodzin ź ich nie trapiŭ u chvalu pamiłavańnia 30 śniežnia.
«Naša Niva» — bastyjon biełaruščyny
PADTRYMAĆCiapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3232
Kamientary