U Minsku zahinuła madeljer Ina Kałpašnikava
8 traŭnia Inu, jakaja jechała na rovary, źbiŭ na piešachodnym pierachodzie aŭtamabil.
8 traŭnia Inu, jakaja jechała na rovary, źbiŭ na piešachodnym pierachodzie aŭtamabil.
Ina naradziłasia ŭ Minsku, skončyła Biełaruskuju akademiju mastactvaŭ. Pieramahła ŭ konkursie «Miła‑96» u Minsku i vyjhrała stažyroŭku ŭ francuzskaj škole mody ESMOD. Šmat razoŭ brała ŭdzieł u viciebskim konkursie «Biełaja amfara», ale jaje kalekcyi byli bolš viadomyja ŭ Rasii, a nie na radzimie.
Voś jak uspaminaje pra Inu Kałpašnikavu madeljer Saša Varłamaŭ.
«Ina Kałpašnikava pačynała na «Młynie mody», ja vielmi dobra pamiataju jaje kalekcyi. Jana dastatkova daŭno zaćvierdziłasia ŭ śviecie mody i była zaprošanaja na «Ruski siłuet». Paśla pakazu jaje cikavaj kalekcyi tam, jaje zaprasiŭ Uładzimir Zubiec ŭ «Pan‑Inter» — heta bujnaja rasijskaja kampanija pa vytvorčaści adzieńnia. Potym jana stała i samastojnym dyzajneram, stvarała adzieńnie. Mahu skazać, što nadziva talenavity čałaviek byŭ, ź vytančanym pačućciom hustu, mocnaja, talenavitaja. Sapraŭdny mastak».
«Madeljer‑fiłosaf kiruje ŭłasnaj dyzajn‑studyjaj. Ina stvaraje kalekcyi z hłybokaj dumkaj, uvasablajučy narodnyja tradycyi ŭ składanym, amal japonskim kroi», tak piša pra Inu rasijski sajt Fashion Monitor.
8 traŭnia ŭviečary Inu źbiŭ aŭtamabil «Volva», kali jana jechała na rovary pa piešachodnym pierachodzie pa vulicy Surhanava ŭ Minsku.
Pachavańnie adbudziecca va aŭtorak 11 traŭnia.
Inie Kałpašnikavaj było 38 hadoŭ. U jaje zastaŭsia 16‑hadovy syn.
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku90
Kamientary