Tramp: Rasija patraciła miljony dalaraŭ i žyćci svaich ludziej, kab amal ničoha nie zachapić
Na sustrečy z prezidentam Turcyi Redžepam Taipam Erdahanam u Biełym domie Donald Tramp znoŭ zajaviŭ pra svajo rasčaravańnie ŭ suviazi z tym, što jamu nie ŭdałosia spynić vajnu Rasii z Ukrainaj. A taksama panarakaŭ, što Erdahan nie nadta choča ŭ hetym pamahać.
«Ja ŭrehulavaŭ, jak vy viedajecie, siem vojnaŭ — a kali kazać ščyra, to, vierahodna, i bolš, kali b vy viedali ŭsie fakty. Siem vojnaŭ — i ja dumaŭ, što hetuju budzie paraŭnalna lohka ŭrehulavać, ale ja vielmi rasčaravany.
Jon zmahajecca luta, jon zmahajecca daŭno, i jany stracili miljony. I viedajecie, niahledziačy na ŭsie masiravanyja bambardziroŭki za apošnija dva tydni, jany praktyčna nie prasunulisia napierad. Padumajcie pra heta: jany amal nie zavajavali terytoryj.
Ja bolš nie budu nikoha nazyvać «papiarovym tyhram», ale Rasija vydatkavała miljony i miljony dalaraŭ na bomby, rakiety, bojeprypasy i — samaje hałoŭnaje — žyćci svaich ludziej. I ŭsio heta dziela taho, kab amal ničoha nie zachapić. Dumaju, pryjšoŭ čas spynicca. Sapraŭdy pryjšoŭ», — zajaviŭ Tramp.
Na jaho dumku, siońniašni surazmoŭca Redžep Taip Erdahan taksama zdolny paŭpłyvać na chod kanfliktu va Ukrainie:
«I Pucin, i Zialenski pavažajuć Erdahana. Jaho pavažajuć usie, i ja taksama», — zajaviŭ prezident ZŠA.
Praŭda, jak jon ličyć, pakul što Erdahan nie zrabiŭ dastatkovych namahańniaŭ dla spynieńnia vajny.
«Jon moža akazać vialiki ŭpłyŭ na vajnu va Ukrainie, kali zachoča, ale addaje pieravahu tamu, kab zastavacca niejtralnym. Ale heta čałaviek, jaki, kali b uklučyŭsia ŭ praces, moh by damahčysia, mabyć, samaha lepšaha vyniku. Jon viedaje Pucina hetak ža dobra, jak i ja».
Prezident ZŠA nieadnarazova zaklikaŭ krainy NATA i Jeŭrapiejskaha Sajuza spynić kuplać naftu i haz u Rasii, abiacajučy, što kali jany zrobiać heta, to jon uviadzie strohija sankcyi suprać dziaržaŭ, jakija praciahvajuć impartavać rasijskija enierharesursy, uklučajučy Kitaj.
Siarod krain NATA Turcyja źjaŭlajecca najbujniejšym imparcioram rasijskich vuhlevadarodaŭ. Na jaje prypadaje 26% zakupak usimi krainami Paŭnočnaatłantyčnaha sajuza. Sajt Energy Intelligence paviedamlaŭ, što ŭ červieni Turcyja kuplała bolš za 300 tysiač barelaŭ rasijskaj nafty ŭ dzień.
Indyja paprasiła ŭ Trampa dazvołu kuplać naftu ŭ Irana i Vieniesueły, kab nie kuplać rasijskaj
Cichanoŭskaja pierachapiła Trampa ŭ kułuarach AAN i padziakavała za vyzvaleńnie palitviaźniaŭ
Palicyja Ńju-Jorka nie puskała na vulicy Manchetana Erdahana, pakul tam jechaŭ kartež Trampa
Aŭtapen zamiest partreta. U Biełym domie vytančana paździekavalisia z Džo Bajdena
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki18
Kamientary