Siamju vybitnych piedahohaŭ-bajanistaŭ asudzili za ŭdzieł u pratestach
Lilija i Alaksandr Pažaryckija — siamja vybitnych piedahohaŭ-bajanistaŭ, adznačanaja mnohimi dziaržaŭnymi ŭznaharodami. I jany nie adzinyja muzyčnyja vykładčyki, jakich asudzili za apošni čas.
Lilii Pažaryckaj 60 hadoŭ. U 1984 hodzie jana skončyła Siaredniuju śpiecyjalnuju škołu pry biełaruskaj kansiervatoryi, u 1989 — Leninhradskuju kansiervatoryju ŭ kłasie vybitnaha bajanista rodam ź Biełarusi Piatra Havaruški. Bolš za 30 hadoŭ Lilija vykładaje ŭ Respublikanskaj himnazii‑kaledžy pry Biełaruskaj dziaržaŭnaj akademii muzyki.
Pažaryckaja dvojčy stanaviłasia ŭładalnicaj prezidenckaha hranta (2016, 2018) i adznačanaja šeraham dziaržaŭnych hramat.
Jaje mužu Alaksandru Pažaryckamu 69 hadoŭ. Jon z Oršy. Skončyŭ Biełaruskuju dziaržaŭnuju kansiervatoryju (1983), vykładaŭ na kafiedry bajana i akardeona Biełaruskaj dziaržaŭnaj akademii muzyki (1990—1996). Muzyka hastralavaŭ u Biełarusi, Anhlii, Hiermanii. Svoj pieršy aŭtarski kancert pravioŭ u Biełaruskaj dziaržaŭnaj fiłarmonii ŭ 1996 hodzie.
Ciapier pracuje ŭ dziciačaj muzyčnaj škole mastactvaŭ № 17 Minska i maje stupień piedahoha vyšejšaj katehoryi, uznačalvaje adździaleńnie «Narodnyja instrumienty (bajan, akardeon)».
Alaksandr aŭtar bolš jak 40 tvoraŭ, niekatoryja ź jakich vydadzienyja asobnymi knihami.
Vychavancy pary — łaŭreaty i dypłamanty konkursaŭ u Biełarusi, a taksama Polščy, Litvie, Łatvii, Sierbii, Armienii, Rasii. Mnohija atrymlivali stypiendyi Śpiecyjalnaha fondu pa padtrymcy talenavitaj moładzi.
Alaksandra i Liliju Pažaryckich asudzili ŭ 2025 hodzie. Im prysudzili chatniuju chimiju pa č. 1 art. 342 KK — za ŭdzieł u pratestach.
Ahułam, padobna, što adbyłasia abłava na muzyčnych piedahohaŭ u Biełarusi. Bo za apošni čas prajšło niekalki padobnych sudoŭ — naprykład, asudzili džazavuju śpiavačku i kiraŭnicu vakalnaj studyi Vieraniku Janoŭskuju.
«Naša Niva» — bastyjon biełaruščyny
PADTRYMAĆ
Deputatka, jakaja rychtuje pryhažuń dla Łukašenki, vyjšła zamuž23
Kamientary