«Byŭ stračany momant ź Biełaruśsiu». Zialenski padčas vystupleńnia ŭ AAN zhadaŭ našu krainu

«Mižnarodnaje prava nie pracuje ŭ poŭnaj miery, kali ŭ vas niama ŭpłyvovych siabroŭ, jakija sapraŭdy hatovyja jaho abaraniać. I navat u hetym vypadku biez zbroi ničoha nie vyjdzie. Heta ahidna, ale bieź jaje było b jašče horš. Niama inšych harantyj biaśpieki, akramia siabroŭ i zbroi. Mienavita tamu my inviestujem u abaronu.

Čaho mohuć čakać ad AAN i hłabalnaj sistemy Sudan, Samali, Paleścina abo inšyja narody, jakija prachodziać praz vajnu? Na praciahu dziesiacihodździaŭ — tolki zajavy.

I navat toje, što adbyvajecca ŭ Hazie, zastajecca biez vychadu. Navat ciapier, paśla ŭsich źmien, Siryja dahetul vymušanaja źviartacca da śvietu z prośbaj asłabić sankcyi, jakija dušać jaje ekanomiku.

Rasija vykrała tysiačy ŭkrainskich dziaciej. I niekatorych ź ich my viarnuli. Ale kolki času spatrebicca, kab viarnuć dadomu ŭsich?

Pahladzicie na Izrail. Prajšło amal dva hady, a zakładniki dahetul nie vyzvalenyja. Ich treba vyzvalić.

Na praciahu mnohich hadoŭ nie było realnych adkazaŭ na inšyja pahrozy — chimičnuju zbroju i hoład, jakija vykarystoŭvajucca ŭ jakaści zbroi. Letaś na hetaj Asamblei ja papiaredžvaŭ śviet pra ryzyku radyjacyjnych katastrof, asabliva praz rasijskuju akupacyju Zaparožskaj atamnaj elektrastancyi. Ale ničoha nie źmianiłasia.

Navat siabroŭstva ŭ šmathadovym vajskovym aljansie nie harantuje biaśpieku aŭtamatyčna. Niadaŭna 19 zvyčajnych rasijskich dronaŭ parušyli pavietranuju prastoru Polščy. Tolki 4 ź ich byli źbityja. Estonija była vymušanaja sklikać pasiadžeńnie Rady Biaśpieki AAN praz uvarvańnie rasijskich źniščalnikaŭ u jaje pavietranuju prastoru.

Małdova abaraniajecca — znoŭ — ad umiašańnia Rasii. My dapamahajem Małdovie. Rasija sprabuje zrabić z Małdovaj toje, što kaliści zrabiŭ Iran ź Livanam.

Važna pamiatać, jak śviet zaniadbaŭ nieabchodnaść dapamahčy Hruzii paśla napadu Rasii i jak byŭ stračany momant ź Biełaruśsiu.

Ciapier Małdova nie pavinna być stračana. Dla Jeŭropy padtrymańnie stabilnaści ŭ Małdovie nie kaštuje doraha, ale kali hetaha nie zrabić, cana budzie našmat vyšejšaj. Voś čamu Jeŭrasajuz pavinien dapamahčy Małdovie ciapier — finansavańniem i enierhietyčnaj padtrymkaj, a nie tolki słovami abo palityčnymi žestami.

Statut AAN i Usieahulnaja dekłaracyja pravoŭ čałavieka pavinny pracavać usiudy. Ale Taliban u Afhanistanie zahaniaje ŭsiu krainu nazad u ciomnyja stahodździ. Karteli ŭ niekatorych krainach Łacinskaj Amieryki macniejšyja za ŭrady.

Heta ŭsio śviedčyć pra krach mižnarodnaha prava i słabaść mižnarodnych instytutaŭ. A značyć, havorka idzie pra naroščvańnie ŭzbrajeńniaŭ. Zbroja vyrašaje, chto vyžyvie», — skazaŭ prezident Ukrainy.

• 42
• 1
• 1
• 1
• 0
• 2
• 0
• 4