«Pakul ES kuplaje enierharesursy ŭ Rasii, jon finansava bolš na baku ahresara» — Naŭsieda
Prezident Litvy Hitanas Naŭsieda padčas pracy Hienieralnaj asamblei AAN u Ńju-Jorku skazaŭ žurnalistam, što situacyja, kali častka Jeŭropy nijak nie moža admovicca ad taho, kab kuplać enierharesursy ŭ Rasii, pryvodzić u adčaj.
«Jak možna razumieć toj fakt, što ES navat siońnia, praz 3,5 hady paśla pačatku vajny, zakuplaje ŭ Rasii kala 13% svajho pryrodnaha hazu, a suma, jakuju jon płacić za hetyja naftu i haz, pieravyšaje ŭsiu padtrymku, jakaja akazvajecca im Ukrainie?» — zajaviŭ Naŭsieda.
Pa jahonych słovach, heta aznačaje, što «Jeŭropa navat nie niejtralnaja i, faktyčna, u finansavych adnosinach bolš na baku Rasii, čym Ukrainy».
Litoŭski kiraŭnik dadaŭ, što heta «pavinna pryvodzić usich u adčaj».
«Litva pakazała vydatny prykład taho, jak možna (admovicca ad rasijskich resursaŭ) u vielmi karotkija terminy. Tak, my pačali rychtavacca značna raniej, i tak, u nas nie było iluzij adnosna Rasii», — zapeŭniŭ Naŭsieda.
«My raspačali kroki, jakija ciapier robić bolšaść krain ES, ale im treba rabić heta chutčej, inakš my budziem karmić rasijskuju vajskovuju mašynu ŭłasnymi hrašyma», — padsumavaŭ prezident Litvy.
«Čas pierakryć vientyl». ES paskaraje admovu ad rasijskaha zvadkavanaha hazu
Jeŭrasajuz adkazaŭ na patrabavańnie Trampa admovicca ad rasijskich enierharesursaŭ
Kab ZŠA ŭviali sankcyi suprać Rasii, Jeŭropa pavinna pierastać kuplać rasijskija naftu i haz
Prezidentka Jeŭrakamisii abviaściła ab zaviaršeńni ery rasijskich nafty i hazu ŭ Jeŭropie
Tramp źbirajecca pahavaryć z Orbanam, kab toj nie kuplaŭ rasijskaj nafty
Kamientary
Suma, jakuju ES płacić Rasiei za naftu i haz, pieravyšaje ŭsiu padtrymku, jakaja akazvajecca im Ukrainie.
Narešcie chtości heta skazaŭ usłych.